Read Chang Naga WEJAKBÜ 10 Bible Online

WEJAKBÜ 10 - Chang Naga bible

WEJAKBÜ 10

¹BUNYUBOUei Mosa to laukei,

²“Chandinam teklaang penyi kümashi, khübü kho namjangbü kümsilei yingjan, hoba khübü kho nyi shuong huishaila hoba shaishang ka meimeila shanga jungeijan,

³hoba ladang penyi ham metlaje tan pendou ka jungto kamshang neichem koukhün to yoshailabü.

⁴Lausikei che ong metalonga leiyeibü shuong Israelbü hajar thüka bunyu shuong haoen ka jungto kamshailabü.

⁵Ladang la pangko metlaje chaang aenei shaian kibü meimeilabü.

⁶Hobaje ladang la ngekko nyibou metlaje, yungkük aenei shaian kibü shuong meimeilabü; haoen meimeila shanga la ngekko teklaang metlabü.

⁷Lausikei ladang shuong yoshaila kilaje kanei la angekko ong teklaang metlabü.

⁸Hobaje Aron ungshedbou shousi shuongei teklaang kho metlabü; hoba khübü jungeibü kho kan meten meten sünga song kilabü.

⁹Hobaje ladang kan khonkutibü dangbou khulimbo wapyola haulaje kheijinei kanei teklangei la pangjan hoba kan BUNYUBOU thedanga damenlabü hoba kaneibü dangbou ka püetlabü.

¹⁰Tokei kan bangbü chaloua hoba kan lit khangbüa kanei kaneibü teklaang juokbü lembü thüka hoba sangmai lembü haitibü thüka metjan; hoba kan shanga khübü kho BUNYUBOU thedanga damenlabü shanga kilabü; ngo BUNYUBOU kaneibü Mühghaü ki.”

¹¹Hobaje po nyiboubü, lit nyiboubü chalou saoche boubüa lemshang neichema ngühkhüm busen thük aeka sangmei kho sungngaikei.

¹²Hibü Israel shousi shuong thenei thenko Sinai lamang ka meimeijung haukei, hoba sangmei kho Paran lamanga shatkei.

¹³Hobaje Mosa danko BUNYUBOUei sakkubü tegü haoen meimeian paijung haubü ho shaangbou kikei.

¹⁴Hobaje shaangla Jihudabü shaishang nisan yoa shuong meimeikei, hoba Aminadabeibü shou Nashon kho thüka kikei.

¹⁵Issakar chung tan kho Zuareibü shou Nethanelei leian haukei.

¹⁶Hobaje Zebulun chung tan kho Heloneibü shou Eliabei leian haukei.

¹⁷Ladang lemshang neichem kho pansheikei, lemshang neichem künbou Gershon hoba Merariei leikei.

¹⁸Kho phaia Shedeureibü shou Elizuriei leikei. Reubenbü shaishang nisan yoa shuong meimeikei.

¹⁹Hobaje Simeon chung tan thüka Zurishadaieibü shou Shelumiel kikei.

²⁰Hobaje Gad chung thüka Deuleibü shou Eliasaf kikei.

²¹Hobaje Kohatbü saopobü peisilei shuong künan meimeikei, hoba haoen asühtoua lubü shuongei lemshang neichem dangkei.

²²Hobaje Amihudeibü shou Elishamaei leibü tan tan Efraim chung shaishang nisan yoa meimeikei.

²³Hobaje Manasse chung tan thüka Pedazureibü shou Gamaliel kikei.

²⁴Hobaje Benjamin chung tan thüka Gideoneibü shou Abidan kikei.

²⁵Hobaje Dan chung shaishang nisan yoa pendou to phaila leko haoen tan meimeikei, hoba kho tan thüka Amishadaieibü shou Ahizier kikei.

²⁶Hobaje Okraneibü shou Pagiel Asher chung tan thüka kikei

²⁷hoba Enaneibü shou Ahira Naftali chung tan thüka kikei.

²⁸Kho tegü Israel shousi tan tan thenei thenko meimeikei.

²⁹Hobaje Mosaei Midianbü haoeibü kou Reueleibü shou Hobab to laukei, “BUNYUBOUei ngei kan la ho kulabü dogo laubü kaonyek to kün meimeijung hauda; kün yoto kaiya, hoba künei ka to mailabü, aishanga BUNYUBOUei Israel shanga maibü thekua.”

³⁰Hobaje haoei hao to laukei, “Ngo ohaulabü, lausikei ngo ngeibü kaonyek to hoba ngeibü chempen jungto haujan.”

³¹Hobaje haoei laukei, “Sanoudambo nyi kün tüpyoma; aieilausi kün yama shailabü dogo nyi ngekei, hoba no kün shanga nyek tegü kilabü.

³²Hobaje no kün yoa haualonga maimaitham BUNYUBOUei ai ong maibü kün to kümlaje, kho khei künei ka to kümlabü.”

³³Hobaje haoen BUNYUBOU shongh ka chalou semnyet lam haukei, hoba BUNYUBOUeibü the- yolanyobü Busen kho haoen thedang to chalou semnyet lam thedanga haoen shanga sühshang che lambo haukei.

³⁴Hobaje haoen sühshang ka meimeijung haujinei BUNYUBOU sangmei kho chaloua haoen thükaenei kikei.

³⁵Hobaje saopobü Busen kho meimeijung haujinei Mosaei laukei, “O BUNYUBOU, loan kaibü dangbou shuong lintiashi, no hoba ka to mangsenbü shuong ka thedang ka lintiashi.”

³⁶Hobaje kho haksojinei haoei laukei, “O BUNYUBOU, Israelbü hajar juong jungto longeishi nou.”