Read Chang Naga WEJAKBÜ 12 Bible Online

WEJAKBÜ 12 - Chang Naga bible

WEJAKBÜ 12

¹Kheijinei Mosaei Kushbü yaksa che lekei hoba Mi- riam si Aronei kho shanga Mosa khulimbo nyamnyambei.

²Haosiei laukei, “BUNYUBOUei Mosa danko ong joyoda si? Haoei sen to kei ajoyo lo?” Hobaje BUNYUBOUei kho ditkei.

³(Tou kaonyeka kibü pendou to aeibü ho müt Mosa aeibou sembüambü kikei.)

⁴Hobaje hakde ong BUNYUBOUei Mosa, Aron hoba Miriam to laukei, “Kan sem kamshang nei- chem to kaiyang.” Hobaje haoen sem longkei.

⁵Hobaje BUNYUBOU sangmei thaonyu chenei lou- yenkei hoba neichem koukhüna lokei, hoba Aron si Miriam ham ngakei hoba haosi ham thedangto loukei.

⁶Hobaje haoei laukei, “Tou ngeibü ngüh ditashi: Kan yoa thuseibü at kialonga, ngo BUNYUBOUei ngei lolo hao la mangsanga ngetilabü, ngei hao to mangha joyolabü.

⁷Ngo khangenbou Mosa toje khei aying; ngeibü chem pendou thüka hao ikjai phokuakei;

⁸hao toje ngeibü sembung thenan shangashatko joyoda, tetsidaei aying, hoba BUNYUBOU maimai haoei hapda; khülongaje aila kasiei ngo khangenbou Mosa khulimbo nyamnyamla maang yaangkei?”

⁹BUNYUBOU haosi khulimbo khauangkei hoba hao bangjung satkei.

¹⁰Hobaje neichem chemdak ka yaülangkei; hoba chühashi, ninthu tegü thupaitham Miriam to im longkei; hoba Aronei Miriam to chühkei, hoba chüh- ashi, sao to im kikei.

¹¹Hobaje Aronei Mosa to laukei, “O ngeibü bunyu, küsiei ngoualonga kümbü hoba künei shabü shonbü shanga küsi teshi tekoema.

¹²Sao nyueibü shimung ka bukjinei phe jamde ayoko bukbü müt tegü sao haibü hima teyeitima dogo ngei sudajada.”

¹³Hibü Mosaei BUNYUBOU to ngekko laukei, “O Mühghaü ngei sudajada sao maitishima.”

¹⁴Hobaje BUNYUBOUei Mosa to jongaikei, “Bouei saoeibü thenyek to eokei thokalonga sao himoua chalou nyetnyet the ahulepsi? Shaishang napheinei sao khinlepnyu phokushi hoba kho phaia sao nyibou leingaila thükkei.”

¹⁵Hibü nyetnyet shaishang na- pheinei Miriam khinan phokei, hoba Miriam nyibou aleingaiba shongko ameimei.

¹⁶Kho phaia mütshuong Hazeroth ka meimeijung haukei hoba Paran lamanga shaikei.