Read Chang Naga WEJAKBÜ 2 Bible Online

WEJAKBÜ 2 - Chang Naga bible

WEJAKBÜ 2

¹BUNYUBOUei Mosa si Aron to laukei,

²“Israel shousi müt- pem wekoei lulueibü nisan nyangko hoba lulu chempen lulu younak thüngei kamshang neichem ae thedang lean kho kaijembo haoenei neichem dangjan.”

³Hobaje chaangbou ae chanyu longshang ae yeian aoyouei nei- chem dangda, haoen kho Jihuda sühshang nisan jungbü shuong kibü tegütham kilabü; hoba Jihuda shousi shuong leiyeibou kho Aminadabeibü shou Nashon kilabü.

⁴Hobaje haoen shuong khübü weanchühbü kho hajar anjinleito lei hoba saongao lak kikei.

⁵Hobaje hao thenbou shailabü shuong kho Issakareibü shousi shuong leiyeibü Zuareibü jayangshou Nethanel kilabü;

⁶hoba haoen tan hoba khübü lühbak kho hajar anjinsemto lei hoba saongao lei kikei,

⁷hoba Zebulun chung hoba Zebuluneibü shousi shuong leiyeibü Helon jaishoubou Eliab kilabü,

⁸hoba haoen tan hoba khübü weanchühbü lühbak kho hajar anjinsemto nyet hoba saongao lei

⁹Jihudabü shaishang pendou tan tan lühbak hajar saongaoto saoleito lak hoba saongao lei kikei. Meimeijinei haoen shaanglabü.

¹⁰Yungthang aenei Reubeneibü nisan kilabü; hoba Reubeneibü shousi shuong leiyeibou Shedeur jayangshou Elizur kilabü.

¹¹Hobaje haoeneibü tan hoba khübü lühbak kho hajar saonyito lak hoba saongao ngao.

¹²Hobaje hao thena shailabü shuong kho Simeon chung kilabü; hoba Simeoneibü shousi shuong leiyeibü Zurishadaieibü jayangshou Shalumiel kilabü.

¹³hoba haoen tan hoba khübü lühbak kho hajar anjinsemto gü hoba saongao sem kikei.

¹⁴Gad phang kho thenbou kilabü, hoba Gadeibü shousi shuong leiyeibü kho Reuleibü shou jayangshou Eliasaf kikei

¹⁵hoba haoen tan hoba khübü lühbak kho hajar saonyito ngao hoba saongao lakto anjinsem.

¹⁶Reubeneibü shaishang tan pendou weyosi pakan chühbü hajar saongaoto anjinsemto che hoba saongao leito anjinsem.

¹⁷Kho phaia kamshang nei- chem hoba Levibü shuong shaishang tan nyibang kanglanga meimeijung haulabü, haoen sha- ian kibü tegütham, kho tegü haoen meimeilabü; müt weko lulu shaishanga haoeneibü nisan nyangko haulabü.

¹⁸Chanep ae Efraimeibü tan nisan kilabü; hoba Efraimeibü shousi shuong leiyeibü Amihudeibü shou jayangshou Elishama kilabü,

¹⁹hoba haoen tan hoba khübü lühbak kho hajar saonyito saongao ngao.

²⁰Hobaje hao to thenko sühlabü shuong kho Manasse phang kilabü; hoba Manaseeibü shousi shuong leiyeibü Pedazu- reibü shou jayangshou Gamaliel kilabü;

²¹hoba haoen tan hoba khübü lühbak kho hajar khujinto nyi hoba saoan,

²²hoba Benjamin phang hoba Benjamineibü shousi shuong leiyeibü Gideoneibü jayangshou Abidan kilabü;

²³hoba haoen tan hoba khübü lühbak kho hajar khujinto ngao hoba saongao lei.

²⁴Efraim shaishang tan pendou pakan chühbüei hajar saongaoto set hoba saongao. Meimeijinei haoen semboubü yinglabü.

²⁵Yungkük ae Dan phang tan nisan kilabü, hoba Daneibü shousi shuong leiyeibou Amishadaieibü shou jayangshou Ahizier kilabü;

²⁶haoen tan hoba khübü lühbak hajar saosemto nyi hoba saongao nyet.

²⁷Hobaje hao to thenko shailabü shuong kho Asher phang kilabü; hoba Ashereibü shousi shuong leiyeibü Okraneibü shou jayangshou Pagiel kilabü;

²⁸hoba haoen tan hoba khübü lühbak hajar saonyito che hoba saongao ngao.

²⁹Hobaje Naftali phang hoba Naftalieibü shousi shuong lei- yeibü Enaneibü shou jayangshou Ahira kilabü.

³⁰Hobaje haoen tan hoba khübü lühbak hajar anjinsemto sem hoba saongao lei.

³¹Dan shaishang kabü lühbak hajar saongaoto anjinsemto nyet hoba saongao lak. Haoeneibü nisan yoa haoen phai meimeilabü.

³²Israel shousi shuong haoen chempen lühbak habü ho ki; haoen tan tan shaishang kabü lühbak pendouei hajar saongao lakto sem hoba saongao ngaoto anjinsem.

³³Lausikei BUNYUBOUei Mosa la sakkubü tegü Israel shousi yoa Levi shuongje lühbaka ayo.

³⁴Kho tegü Israel shousi shuongei kümbei; BUNYUBOUei Mosa la sakkubü pendou tegü, kho haoenei lulueibü nisan nyangko haoeneibü neichem dangkei, hoba haoen chempen chempen mütpem weko jembü chempen yoa kho khei meimeijung haukei.