Read Chang Naga WEJAKBÜ 29 Bible Online

WEJAKBÜ 29 - Chang Naga bible

WEJAKBÜ 29

¹Tou lit nyetboubü lit khangnyet, kanei saopobü kambü che kilabü; kanei kümsilei kaangbüsekbü aikei akümjan, kan shanga ho teklaang metbü chalou ki.

²Kanei juokbü lembü che, BUNYUBOU shanga ponlem teibü shanga lemjan, masu paangshou che, sanlon paang che, nali athebü po cheeibü shou sanlon paang nyet.

³Hobaje habü shausiyung lembüwen inyaibü onang yoa kheiyoan, masu pongsu shangabü kho phejan ana phejan penyi,

⁴hoba sanlon shoushou pemnyet shanga sanlon shoushou weko phejan chenei phejan che,

⁵hoba shabü dela shanga shabü lembü shanga lonpaang che,

⁶kho to yoko litnyu haanbüa juokbü lembü shausiyung lembü yoan, hoba yunglabü lembü khübü shanga ngühkhüm hangsilam tegütham, BUNYUBOU shanga haitian lembü ponlem teibü shanga.

⁷Kho lit nyetboubüa kanei saopobü kambü che kilabü; hoba kan jembü lolo khonkujan; kanei kümsilei ai akümlabü;

⁸lausikei BUNYUBOU la ponlem teibü shanga juokbü lembü kujan; masu paangshou che, sanlon paangshou che, po cheeibü shou sanlon pemnyet; khübü kho nali athebü kijan;

⁹hoba khübü shausiyung lembü wen inyaibü onang to kheiyoan masu pongsu shanga an phejana sem sanlon paang che shangabü kho an phejana penyi;

¹⁰sanlon paangshou nyet shanga che che weko an phejana che,

¹¹shabü dean apla shanga shabü lembü athakko kubü, juokbü lembü hoba shausiyung lembü khübü yunglabü lembü khübü kho shaanglathama shabü lembü shanga lonpaang che.

¹²Lit nyetboubü chalou anthük ngaoboubüa kanei saopobü kambü che che kilabü, kanei kümsilei kaangbüsekbü aikei akümlabü, hoba BUNYUBOU shanga kanei chalou nyet lem lilabü.

¹³Hobaje kanei BUNYUBOU to ponlem shanga juokbü lembü che lemlabü; masu paangshou anthük sem, sanlon paang penyi, po cheeibü shou sanlon paang anthüklei; khübü kho nali athebü yingjan.

¹⁴Hobaje haoeneibü shausiyung lembü wen inyaibü onang yoa kheiyoan, masu pongsu anthüksem shanga masu pongsu weko an phejan penyi,

¹⁵hoba sanlon shoushou anthüklei, sanlon weko an phejana che;

¹⁶hoba athakko juokbü lembü shausiyung lembü khübü kho shaangla thama shabü lembü shanga lon paang che.

¹⁷Nyibounyet kanei masu paangshou anthüknyi sanlon paang penyi nali athebü po cheeibü shou sanlon anthükleiei lemjan;

¹⁸hoba haoeneibü shausi- yung lembü hoba yunglabü lembü masu pongsu shuong shanga sanlon hoba sanlon shoushou shuong shanga ngühkhüm song tegü haoeneibü lühbak thüng;

¹⁹athakko juokbü lembü shausi- yung lembü to limbo shabü lembü shanga lon paang che.

²⁰Sembounyet masu pongsu anthükche, sanlon paang penyi, nali athebü po cheeibü shou sanlon anthüklei,

²¹hoba khübü shausiyung lembü hoba khübü yunglabü lembü masu pongsu shuong shanga, sanlon paang shuong shanga hoba sanlon shoushou shuong shanga ngühkhüm song tegü lühbak thüng.

²²Hobaje athakko juokbü lembü shausiyung lembü hoba yunglabü lembü to liman shabü lembü shanga lon che.

²³Leibounyet masu pongsu an, sanlon paang penyi, nali athebü po che shou sanlon paang anthüklei.

²⁴Haoeneibü shausiyung lembü hoba yunglabü lembü masu pongsu shanga, sanlon shuong shanga, sanlon shoushou shuong shanga ngühkhüm song tegü lühbak thüng.

²⁵Athakko juokbü lembü hoba yunglabü lembü to limbo shabü lembü shanga lonpaang che.

²⁶Ngaobounyet masu pongsu gü, sanlon paang penyi, nali athebü po cheeibü shou sanlon paang anthüklei;

²⁷hoba haoeneibü shausiyung lembü hoba yunglabü lembü masu pongsu shuong shanga, sanlon shuong shanga, ngühkhüm song tegü lühbak thüng;

²⁸hoba athakko juokbü lembü, shausiyung lembü hoba yunglabü lembü to limbo shabü lembü shanga lonpaang che.

²⁹Lakbounyet masu pongsu pemset, sanlon paang penyi nali athebü po cheeibü shou sanlon anthüklei;

³⁰hoba shausiyung lembü hoba yunglabü lembü masu pongsu shuong shanga, sanlon shuong shanga hoba sanlon shoushou shuong shanga ngühkhüm song tegü lühbak thüng.

³¹Hobaje athakko juokbü lembü, shausiyung lembü hoba yunglabü lembü to limbo shabü lembü shanga lonpaang che.

³²Nyetbounyet masu pongsu pemnyet, sanlon paang penyi nali athebü po cheeibü shou sanlon anthüklei;

³³hoba haoeneibü shausiyung lembü hoba yunglabü lembü, masu pongsu shuong shanga hoba sanlon shoushou shuong shanga ngühkhüm song tegü haoen lühbak thüng;

³⁴hoba athakko juokbü lembü shausi- yung lembü hoba yunglabü lembü to limbo shabü lembü shanga lonpaang che.

³⁵Setbounyet kanei saopobü kambü che kilabü; kanei kümsilei kaangbüsekbü aikei akümlabü;

³⁶lausikei BUNYUBOU shanga ponlem maibü juokbü lembü kanei kujan, masu pongsu che, sanlon paang che, nali athebü po cheeibü shou sanlon paang pemnyet;

³⁷haoeneibü shausiyung lembü hoba yunglabü lembü masu pongsu shanga, sanlon paang shanga, hoba sanlon shoushou shuong shanga ngühkhüm song tegü lühbak thüng;

³⁸hoba athakko juokbü lembü, shausiyung lembü to limbo shabü lembü shanga lonpaang che.

³⁹Kaneibü theletbü, hoba kaneibü maangmai lembü, hoba kaneibü shausiyung lembü hoba kaneibü yunglabü lembü hoba kaneibü sangmai lembü to limbo habü ho kanei BUNYUBOU to lemjan.

⁴⁰Hobaje BUNYUBOUei Mosa la sakkubü pendou tegü Mosaei Israel shousi shuong to lenkei.