Read Chang Naga WEJAKBÜ 7 Bible Online

WEJAKBÜ 7 - Chang Naga bible

WEJAKBÜ 7

¹Ladang Mosaei lemshang neichem yeikei, haoei onang naangkukei hoba saüenkei hoba khoeibü peisilei hoba lemshang hoba khoeibü thungsiphau pendou saüenko hinseian

²Israelbü leiyeibü shuong chempen chem- pen khuleibü shuongei lembei, khübü kho phang leiyeibü shuong kikei; haoen thüka aoyou kikei, weanchühbü habü ki.

³Hobaje haoenei BUNYUBOU jungto lembü chemdak yobü kailong lak, hoba masu pongsu anthüknyi lembü sungbakei; leiyeibü müt nyi la kailong che che hoba ham bangko la masu che che hoba khübü kho haoenei lemshang neichem thedanga kukei.

⁴Hobaje BUNYUBOUei Mosa to laukei,

⁵“Kho haoen kamshang neichema kümlaleila leashi, hoba kho Levi shuong la mütpem weko lulueibü kümsilei haoen la kuashi.”

⁶Hobaje Mosaei kailong si masu sungan kho Levi shuong la kukei.

⁷Gershonbü shousi shuong la kümsilei thüng kailong penyi hoba masu lei haoei kukei.

⁸Merarieibü shuousi shuong la Aron ungshedboueibü shou jayangshou Ithamar ikjai leko haoen kümsilei thüng kailong lei hoba masu set haoei kukei.

⁹Lausikei Kohatbü shousi shuong la haoei ai aku; aishanga saopobü peisilei shuong kho thounoula shanga haoeneibü kümsilei ki.

¹⁰Hobaje lemshang shanga kho onang naangkubü chaloua saopoenbü jongsak leiyeibü shuongei kukei; khei haoenei lemshang thedanga haoenei lembei.

¹¹Hobaje BUNYUBOUei Mosa to laukei, “Lemshang saüenla shanga lei- yeibü wekoei lulueibü chaloua haoeneibü lembü haoenei junglabü.”

¹²Shaangbounyet aoei lembü kukei, hao kho Jihuda phang Aminadabeibü shou Nashon kikei;

¹³hoba haoeibü lembü kho shekel saongaoto khujin takbü chandinam phau che, lemshanga takbü tegü shekel anjinlei takbü chandinam phauyaang che, penyi ham kho shausiyung lembü shanga wen inyaibüei shenan kikei;

¹⁴ponlemei shenan kibü shekel an atbü honeibü shiklak che,

¹⁵juokbü lembü shanga po cheeibü shou masu pongsu che, sanlon paang che hoba po cheeibü shou che,

¹⁶shabü lembü shanga lonpaang che, lemla shanga lonpaang che,

¹⁷hoba sangmai lembü haitila shanga masu pongsu penyi, sanlon ngao, po cheeibü shou sanlon ngao; habü ho Aminadabeibü shou Nashoneibü lembü kikei.

¹⁸Nyibounyeta Issakar leiyeibü Zuareibü shou Nethanelei lembei;

¹⁹haoei haoeibü lembü shanga lemshanga jungeibü hima chandinam phau che kho hauanchühbü kho shekel saongaoto khujin; shekel anjinlei atbü phau che, penyi ham kho shausiyung lembü shanga onang to soyoan wen inyaibüei shenan kikei.

²⁰Shekel an atbü honeibü shiklak ponlemei shenan kikei;

²¹masu pongsu shoushou che, sanlon paang che, juokbü lembü shanga po cheeibü shou sanlon paang che;

²²shabü lembü shanga lon yoa paang che,

²³hoba sangmai lembü shanga masu pongsu penyi, sanlon ngao, lonpaang ngao, po cheeibü shou sanlon paang ngao; ho Zuareibü shou Nethaneleibü lembü ki.

²⁴Sembounyeta Zebuluneibü shousi shuong leiyeibü Heloneibü shou Eliabei lembü;

²⁵haoeibü lembü kho shekel saongaoto khujin atbü chandinam phau che, shekel anjinlei atbü chandinam phau che, lemshanga kibü shekel hima; penyi ham kho shausiyung lembü shanga onang to kheiyobü wen inyaibüei shenan kikei;

²⁶shekel an atbü honeibü shiklak che ponlemei shenan,

²⁷masu pongsu che, lonpaang che, juokbü lembü shanga po cheeibü shou sanlon paang che,

²⁸shabü lembü shanga lon yoa paang che,

²⁹hoba sangmai lembü haitila shanga, masu pongsu penyi, sanlon ngao, hoba po cheeibü shou sanlon paang ngao; ho Heloneibü shou Eliabeibü lembü kikei.

³⁰Leibounyeta Reubeneibü shousi shuong leiyeibü Shedeureibü shou Elizurei lembei.

³¹Haoeibü lembü kho chandinam phau che, shekel saongaoto khujin atbü kikei, shekel anjinlei atbü chandinam phauyaang che, lemshanga kibü shekel hima; penyi ham kho shausiyung lembü shanga onang to kheiyobü wen inyaibüei shenan kikei;

³²shekel an atbü honeibü shiklak che ponlemei shenan;

³³masu pongsu shoushou che, sanlon paang che, juokbü lembü shanga po cheeibü shou sanlon paang che,

³⁴shabü lembü shanga lon yoa paang che,

³⁵hoba sangmai lembü haitila shanga masu pongsu penyi, sanlon paang ngao, lonpaang ngao, po cheeibü shou sanlon paang ngao, ho Shedeureibü shou Elizureibü lembü kikei.

³⁶Ngaobounyeta Simeoneibü shousi shuong leiyeibou Zurishadaieibü shou Shelumielei lembei;

³⁷haoeibü lembü kho chandinam phau che, shekel saongaoto khujin atbü shekel anjinlei atbü chandinam phauyaang che, lemshanga kibü shekel hima; penyi ham kho shausiyung lembü shanga onang to kheiyobü wen inyaibü kikei;

³⁸shekel an honeibü shiklak che ponlemei shenan kikei;

³⁹masu pongsu shoushou che, sanlon paang che, juokbü lembü shanga kikei;

⁴⁰shabü lembü shanga lon yoa paang che,

⁴¹hoba sangmai lembü haitila shanga masu pongsu penyi sanlon paang ngao, lonpaang ngao, po cheeibü shou sanlon paang ngao, Zurishadaieibü shou Shelumieleibü lembü kikei.

⁴²Lakbounyet Gadeibü shousi shuong leiyeibou Deuleibü shou Elisafei lembei.

⁴³Haoeibü lembü kho chandinam phau che, shekel saongaoto khujin atbü shekel anjinlei atbü phauyaang che, lemshanga kibü shekel hima, penyi ham kho shausiyung lembü shanga onang yoa kheiyobü wen inyaibü shenan kikei;

⁴⁴shekel an atbü honeibü shiklak che, ponlemei shenan kikei,

⁴⁵masu pongsu che, sanlon paang che, hoba sanlon shoushou che juokbü lembü shanga kikei,

⁴⁶shabü lembü shanga lon yoa paang che,

⁴⁷hoba sangmai lembü haitila shanga masu pongsu penyi, sanlon paang ngao, ho Deuleibü shou Elisafei lembü kikei.

⁴⁸Nyetbounyet Efraimeibü shousi shuong leiyeibou Amihudeibü shou Elishamaei lembei;

⁴⁹haoeibü lembü kho chandinam phau che, shekel saongaoto khujin atbü chandinam phau che, shekel saongaoto khujin atbü chandinam phauyaang che shekel anjinlei, lemshanga kibü hima; penyi ham shausiyung lembü shanga onang yoa kheiyobü wen inyaibüei shenan kikei.

⁵⁰Shekel an atbü honeibü shiklak che ponlemei shenan;

⁵¹masu paangshou che, sanlon paang che, po cheeibü shou sanlon paang che, juokbü lembü shanga,

⁵²shabü lembü shanga lon yoa paang che,

⁵³hoba sangmai lembü shanga haitila shanga masu pongsu penyi, sanlon paang ngao, lonpaang ngao, po cheeibü shou sanlon paang ngao; ho Amihudeibü shou Elishamaei lembü kikei.

⁵⁴Setbounyet Manaseeibü shousi shuong leiyeibou Pedazureibü shou Gamalielei lembei;

⁵⁵haoeibü lembü chandinam phau che, shekel saongaoto khujin atbü kikei, chandinam phauyaang che, shekel anjinlei atbü lemshanga kibü shekel hima; penyi ham kho shausiyung lembü shanga onang yoa kheiyobü wen inyaibüei shenan kikei;

⁵⁶shekel an atbü honeibü shiklak che, ponlemei shenan

⁵⁷masu paangshou che, sanlon paang che, po cheeibü shou sanlon paang che, juokbü lembü shanga,

⁵⁸shabü lembü shanga lon yoa paang che,

⁵⁹hoba sangmai lembü haitila shanga masu pongsu penyi, sanlon paang ngao, lonpaang ngao, po cheeibü shou sanlon paang ngao; ho Peda- zureibü shou Gamalielei lembü kikei.

⁶⁰Güboubü Benjamineibü shousi shuong leiyeibou Gideoneibü shou Abidanei lembei;

⁶¹haoeibü lembü kho chandinam phau che, shekel saongaoto khujin atbü chandinam phauyaang che, shekel anjinlei atbü lemshanga kibü shekel hima; penyi ham shausiyung lembü shanga onang to kheiyobü wen inyaibüei shenan kikei;

⁶²shekel an atbü honeibü shiklak che ponlemei shenan;

⁶³masu paangshou che, sanlon paang che, juokbü lembü shanga kikei,

⁶⁴lon yoa paang che, shabü lembü shanga,

⁶⁵hoba sangmai lembü haitila shanga masu pongsu penyi, sanlon paang ngao, po cheeibü shou sanlon paang ngao; ho Gideoneibü shou Abidaneibü lembü kikei.

⁶⁶Anboubü Daneibü shousi shuong leiyeibou Amishadaieibü shou Ahizerei lembei;

⁶⁷haoeibü lembü kho chandinam phau che, shekel saongaoto khujin atbü chandinam phauyaang che shekel anjinlei atbü lemshanga kibü shekel hima, penyi ham shausiyung lembü shanga onang to kheiyobü wen inyaibüei shenan kikei;

⁶⁸shekel an atbü honeibü shiklak che ponlemei shenan kikei;

⁶⁹masu pongsu che, sanlon paang che, juokbü lembü shanga;

⁷⁰lon yoa paang che shabü lembü shanga;

⁷¹hoba sangmai lembü haitila shanga masu pongsu penyi, sanlon paang ngao, lonpaang ngao, po cheeibü shou sanlon paang ngao; ho Amishadaieibü shou Ahiezereibü lembü kikei.

⁷²Anthükche boubü, Ashereibü shousi shuong leiyeibou Okraneibü shou Pagielei lembei;

⁷³haoeibü lembü kho chandinam phau che, shekel saongaoto khujin atbü chandinam phauyaang che shekel anjinlei atbü lemshanga kibü shekel hima, penyi ham shausiyung lembü shanga onang to kheiyobü wen inyaibüei shenan kikei,

⁷⁴shekel an atbü honeibü shiklak che, ponlemei shenan,

⁷⁵masu paangshou che, juokbü lembü shanga

⁷⁶lon yoa paang che shabü lembü shanga

⁷⁷hoba sangmai lembü haitila shanga masu pongsu penyi, sanlon paang ngao, lonpaang ngao, po cheeibü shou sanlon paang ngao ho Okraneibü shou Pagielei lembü ki.

⁷⁸Anthüknyi boubü Naftalieibü shousi shuong leiyeibou Enaneibü shou Ahiraei lembei;

⁷⁹haoeibü lembü kho chandinam phau che, shekel saongaoto khujin atbü, chandinam phauyaang che shekel anjinlei atbü lemshanga kibü shekel hima; penyi ham shausiyung lembü shanga onang to kheiyobü wen inyaibüei shenan kikei,

⁸⁰shekel an atbü honeibü shiklak che ponlemei shenan;

⁸¹masu paangshou che, sanlon paang che, po cheeibü shou sanlon paang che, juokbü lembü shanga

⁸²shabü lembü shanga lon yoa paang che,

⁸³hoba sangmai lembü haitila shanga masu pongsu penyi, sanlon paang ngao, lon paang ngao, po cheeibü sanlon paangshou ngao: ho Enaneibü jayangshou Ahira lembü kikei.

⁸⁴Israel shousi shuongei kho onang naangkuko pienbü chaloua lemshanga saüenbü kho ho kiteikei: chandinam phau anthüknyi, chandinam phauyaang anthüknyi, hon nyaklak anthüknyi:

⁸⁵chandinam phau weko shekel saongaoto khujin atbü hoba phauyaang weko shekel anjinlei: chandinam peisilei pendou kho lemshanga kibü shekel tegütham, shekel hajar nyito saongao lei kikei;

⁸⁶ponlem hibüei shenan hon nyaklak anthüknyi, lemshanga kibü shekel tegütham, che chenei shekel an bang atbü kikei: honeibü nyaklak pendou kho shekel saongaoto saoche:

⁸⁷juokbü lembü shanga masu pongsu anthüknyi, san paang anthüknyi, po cheeibü sanlon paangshou anthüknyi, hoba khübü shanga shausiyung lembü hoba shabü lembü shanga lon yoa paang anthüknyi:

⁸⁸hoba sangmai lembü shanga masu pongsu pendouei saoto lei, sanlon paang saosem, hoba lon paang saosem, hoba po cheeibü sanlon paangshou saosem. Ho lemshanga onang naangkuan phaia ho saüenbü ki.

⁸⁹Hobaje ladang Mosaei hao yoa lemshang neichem to atkei, kheijinei onou setshang thükaenei ngühkhüm busen thüka kaakyembü kherabim penyi kanglang ka Ngühlang khoei hao to joyoko ditkei: hoba haoei hao to joyokei.