Read Chang Naga ZEKHARIA 10 Bible Online

ZEKHARIA 10 - Chang Naga bible

ZEKHARIA 10

¹Kelit onglit poang jihsi- phaia BUNYUBOU aoei langmak langpon kümda, hao ka lang loutila pheashi, hoba haoei haoen la langmin langtok hoba mütpem weko la seka sang yemtikulabü.

²Aishanga heangsho lembü shuongei amlang laukei hoba seibüyaübü shuongei leshang akibü mangsang hapbei, hoba haoenei kongkongbü mang lenkei; amlangbüa haoen maang haksotida hibü haoen lulueibü lam to sanshuong tegü hauda, haoen shieinangei kida aieilausi sanlombü shuong aki.

³Sanlombü shuong khulimbo ngo khauang lottiakei hoba ngei lonpaang shuong shieinangeilabü aishanga Thükenbou BUNYUBOUei jembü sanlon dan Jihuda chemdang pean chüha, hoba haoeibü lason koli maibü tegü haoen yeitilabü.

⁴Hao ka chemnyek laang, hao ka thünglabü kojal, hao ka lason laujin, hao ka songdakbü pendou loulabü.

⁵Hobaje lasona khongkabü thima lulueibü dangbou shuong nakan yantibü thükenbü shuong tegü yinglabü, hoba haoenei wapyolabü, aieilausi BUNYUBOU haoen yoa kia, hoba kolia setbü shuong himou baulabü.

⁶“Hobaje ngei Jihuda chemdang hau kitilabü, hoba ngei Josef chemdang khümenlabü, ngei haoen nyibou sungngailabü, aishanga ngei haoen thüka onou kia, hoba ngei haoen anangletbü shuong hima kilabü, aieilausi ngo BUNYUBOU haoeneibü Mühghaü ki hoba ngei haoen to jongailabü.

⁷Efraim thükenbou che tegü kilabü, hoba haoeneibü maangpon ihei tegü olinko kilabü, haü, haoeneibü shousi shuongei haplabü, hoba olinangko kilabü; BUNYUBOUa haoeneibü maangpon olinlabü.

⁸“Ngei haoen ngalabü hoba haoen leishailabü, aishanga ngei haoen angtheda; hoba haoen haabü yaangbü tegü haoen aei haalabü.

⁹Hobaje phangshuong yoa ngei haoen phinnyinlabü, khei yingasikei kaonyek saabüakei haoenei ngo damenlabü, hoba haoeneibü shousi shuong yoa haoen kilabü hoba sepeinyu longeilabü.

¹⁰Ngei tokei nyibou Ijep kaodak ka haoen leian loulabü, hoba Assiria ka haoen leishailabü, hoba ngei haoen Gilead hoba Lebanon kaonyek to leian loulabü, hoba haoen shanga kishang ühüplabü.

¹¹Hobaje haoen Ijep yungnyu danko haulabü, hoba yungnyua yungsen to haoenei ngümlabü, hoba Nail shumang haübü pendou ulangtham aplabü, hoba Assiriabü yonglam lilibü eaaoa yeitilabü, hoba Ijep ka Chobaeibü ju bangtilabü.

¹²Hobaje ngei haoen BUNYUBOUa hau kitilabü, hoba haoen haoeibü nyena ang louyen dogo pailabü,” dogo BUNYUBOUei lauda.