Read Chang Naga ZEKHARIA 2 Bible Online

ZEKHARIA 2 - Chang Naga bible

ZEKHARIA 2

¹Ngei kü nyek chühangtikei hoba hapbei, hoba chühashi, müt cheei haoeibü ika takbü janglüh jungan kikei.

²Kheijinei ngei phekei, “No lato hauda?” Hobaje haoei kü to lenkei, “Jerusalem süng si khaang latetche kho takan chühla shanga.”

³Hobaje chühashi, kü to joyobü khuthük hangangbü kho satkei hoba lubü khuthük hangangbü che hao to haüyola haukei,

⁴hoba hao to laukei, “Langashi, hoba kho heshoubou to ho hai lenko joyoashi: Mütshuong hoba khünei samkeisamuk kibü haangjung sangba akibü sang tegü Jerusalem kilabü.

⁵Aishanga ngo BUNYUBOUei lauda, sao waneibü banyu kümthang tegü kilabü hoba sao to soneikangbü kho ngo yinglabü.”

⁶Ho yungkük kao aeka satashi dogo BUNYUBOUei lauda, aishanga müh kabü yeilamei tegü ngei kan lintia.

⁷Ho no Babilonbü nou- yangshou yoa kida, Zion to satetlangshi.

⁸Aishanga Thükenbou BUNYUBOUei hai lauda, “Soneikangbü shanga kan soshau soyungbü phangshuong jungto haoei ngo hautikei aishanga aoei kan to meitida, haoei jembü nyeklanga meitida.”

⁹Aishanga chüh- ashi, ngei haoen thüka ngeibü ik soueilabü hoba aoyouei haoen khangenda, haoen shanga soletbou haoen yinglabü hoba kanei Thükenbou BUNYUBOUei ngo hautikei dogo ngelabü.

¹⁰“Chia lauashi, hoba olinyoashi, O Zion nouyangshou, aishanga ditashi ngo louada hoba ngo kathüka kilabü, dogo BUNYUBOUei lauda.”

¹¹Hobaje kho chaloua phang juongei haoen lolo BUNYUBOU yoa yolabü hoba kü mütli yinglabü, hoba ngo ka yoa kilabü hoba Thükenbou BUNYUBOUei ka jungto ngo hautikei dogo nyi ngelabü.

¹²Hobaje BUNYUBOUei jembü phejan tegü saopobü kaonyeka Jihuda lelabü, hoba tokei Jerusalem pienlabü.

¹³Müt pendou BUNYUBOU thedanga ngüh üangko kishi; aishanga hao haoeibü saopobü kishang ka meimeia.