Read Chang Naga ZEKHARIA 3 Bible Online

ZEKHARIA 3 - Chang Naga bible

ZEKHARIA 3

¹Hobaje BUNYUBOUeibü hang- angbü thedanga thükkabou ungshedbou Joshua loan haoei kü la lenkei, hoba mae aenei hao khulimbou yingla Satan loan lenkei.

²Hobaje BUNYUBOUei Satan to laukei, “O Satan, BUNYUBOUei ka to hakshi. BUNYUBOU, aoei Jerusalem pienkei haoei ka to hakshi. Ho wan ka senenbü wanted che tegü aying lo?”

³Tou Joshua hao khuthük hangangbü thedanga mak kakbü meisiau lean loan kikei.

⁴Hobaje khuthük hangangbüei hao thedanga loan kibü shuong to laukei, “Mak kakbü neisimei kho hao ka sungan apbuashi.” Hobaje haoei Joshua to laukei, “Chühashi, ngei kaibü shedbü shabü apbua, hoba ngei ka la neisimei haanbü lekulabü.”

⁵Hobaje ngei laukei, “Haoeibü khua khun maibü che hankushi.” Hibü haoenei hao la khun maibü che hankukei, hoba neisimei lekukei, hoba BUNYUBOUeibü khuthük hangangbü kho nyangko lokei.

⁶Hobaje BUNYUBOUeibü hang- angbüei Joshua to laukei,

⁷“Ho tegü Thükenbou BUNYUBOUei lauda: No ngeibü lamnyua paiko laualonga hoba nyi ngei sakkubü jungeiko laualonga kheijinei nyi ngeibü chema matjemlabü, hoba tokei ngeibü matjemshanga pholabü, hoba nyangko loan kibü shuong yoa paishang ngei ka la kulabü.

⁸Tou ditashi, O thükkabou ungshedbou Joshua, no hoba ka thedanga setbü himshuong; aishanga haoen shensinge kakbü mütshuong ki, aieilausi chühashi, ngei ngo khümenbou bhek longtilabü.

⁹Aishanga chühashi, Joshua thedanga ngei phokubü laang thüka shelebü nyet yembü thüka dobü kho thünglabü dogo Thükenbouei lauda, hoba ngei ho kaodak shedbü nyetche chaloua ong sungenlabü.

¹⁰Kho chaloua Thükenbou BUNYUBOUei laukei, kan mütpem wekoei jembü lepbüeibü semlüh hoba bhuklong phang to ngalabü.”