Read Chang Naga NGÜHKÜPAIBÜ 18 Bible Online

NGÜHKÜPAIBÜ 18 - Chang Naga bible

NGÜHKÜPAIBÜ 18

¹“Levi ungshedbou shuong, khei Levi chung pendou Israelbü yoa ai phejan ayingsi phetphan akilabü; BUNYUBOU to lembüsabü sakkubü hoba hao la kubü haoenei shaulabü.

²Hobaje haoen jembü mütli yoa haoeneibü phet akilabü, haoei haoen to lenbü tegü BUNYUBOU kho haoeneibü phet ki.

³“Masu pongsu ayingsi sanlon haitian lembü ka ungshedbou shuong mütli ka haplabü phejan ho kilabü; phak, kaoshang, hoba shiang.

⁴Tokei nyi shaangla hekbü youshou, semlühdei hoba onang kaibü sanlon wi shaangla kipbü, nyi hao la kujan.

⁵Aishanga BUNYUBOU kaibü Mühghaüei kaibü chempen pendou ka BUNYUBOU nyena loan hao khangenla hao hoba haoeibü shousi shuong ponpen shanga pienkei.

⁶“Hobaje Levibü che, hao kishang ka, sangnyu at ka Israelbü pendou ka longan loualonga, hoba haoeibü soushou maangdak pendouei BUNYUBOUei laobou kaonyek pienlaje khüto loualonga;

⁷kheijinei Levibü haoeibü jaisina pendouei BUNYUBOU thedanga loan kümbü tegü, haoei BUNYUBOU haoeibü Mühghaü nyena khangenlabü.

⁸Jembü phet yaakbü ka loubü to liman haoenei shaula phejan jeteitei kilabü.

⁹“Ladang BUNYUBOU kaibü Mühghaüei ka la kubü kaonyek to no loulaje kho phangeibü mangsenlabü kümsilei nyi achühletjan.

¹⁰Kan yoa aoeikei lulueibü jayang nouyangshou wana ajuokettijan; seibü yaübü, tetbütabü, ayingsi shedsikhau kubü, ayingsi khopjikseibü,

¹¹ayingsi soumei ipbü ayingsi yemshan manghtakbü kheibü aokei akijan.

¹²Aishanga aoyouei khübü kümlaje BUNYUBOU thedanga mangsenlabü ki; khübü mangsenlabü kümsilei shanga BUNYUBOU kaibü Mühghaüei kaneibü lam ka haoen shian apbuda.

¹³No BUNYUBOU kaibü Mühghaü thedanga mubü yingshi.”

¹⁴Aishanga khübü phang ao- you kanei shian aplabü ki, haoenei manghtakbü, seibüyaübü to ngühaleda, lausikei kanje BUNYUBOU kaibü Mühghaüei kho tegü kümla asakkuda.

¹⁵BUNYUBOU kaibü Mühghaüei kaibü jaisina, kaibü mütli yo ka ngo phatko thuseibü che longtilabü, hao to kanei ditkushi.

¹⁶“Kan yoshaibü chaloua Horeba BUNYUBOU kaibü Mühghaü to kanei BUNYUBOU ngeibü Mühghaüeibü ngühlang nyibou kü la teditngaiti, ayingsi ngo ühaila shanga touje wan yaangbü kü la tehüpti dogo laubü tegü;

¹⁷hoba BUNYUBOUei kü to laukei, ‘Haoenei tükde laua,

¹⁸Ngei haoen shanga haoen jembü mütli yoka no tegü thuseibü lela longtilabü; khei haoeibü sembunga ngeibü ngüh jinkulabü; hoba ngei hao la sakkubü pendou haoei haoen la lenlabü.

¹⁹Hobaje kü nyena haoei lenbü aditbü müt at kialonga, ngei kho shanga ngei lolo hao la jongaitilabü.

²⁰Lausikei thuseibü aoei ngei hao to lenashi dogo asakkunyu jembü maangei lenlaje, ayingsi aoei lubü mühghaü nyena lenlaje kho thuseibou kho hailabü.’

²¹“Hobaje nyi kaibü maanga BUNYUBOUei joyobü lai ngela dogo laualonga,

²²ladang BUNYUBOU nyena thuseibouei joyolaje, kho kümsilei kho aloulonga, ayingsi ühaüthüklonga, kho BUNYUBOUei lenbü aying, thuseibouei jembü maangleko kho laua. No hao to tehüt.