Read Chang Naga JOHAN 15 Bible Online

JOHAN 15 - Chang Naga bible

JOHAN 15

¹“Ngo tükdebü semlüh, hoba kü Bou kho moubou ki.

²Kü to kibü laobou bheka ong eheklaje haoei kho wapan apda, hoba aei hektila shanga laobou bheka ong mai heklaje kho saüenkuda.

³Ngei kan to laubü ngühei touje kan saüenakei.

⁴Kü to kishi hoba ngo kan to kikho. Semlüh li to akibü bhekei lai jembü lolo mai hekla athük, kho tegü kaneikei kan kü to akilonga mai hekla athük.

⁵Ngo semlüh long; kan bhek. Ao kü to kian ngo hao to kida, haoei mai juong hekda, aieilausi kü ka bangan kanei ai akümen.

⁶Atei kü to akilonga hao bhek tegü apda hoba linda. Khübü bhek shuong kho yoshaian wan to jikan apda.

⁷Kan kü to kialonga hoba kü ngüh kan to kialonga, kanei ai ong mangsühdaje hiashi hoba ngei kho kan la kümbulabü.

⁸“Kanei mai juongnyu hekko hoba kan tükdebü ngeibü eikshuong dogo lenenbü danko Kübou soneikangda.

⁹Bouei kü to ailai sanoukei kho tegü ngeikei kan to sanoukei. Ngeibü sanoua kishi.

¹⁰Ngei ailai Küboueibü ngühkhüm jungeikei, kho tegü kanei kü ngühkhüm jungeia longa kan ngeibü sanoua kilabü.

¹¹Ngeibü lenbü kan to kilabü hoba kaneibü olinbü penbüsoubü yeila shanga ho ngei kan to lenda.

¹²Ho kü ngühkhüm ki, khei kan cheei che to sanouyoshi.

¹³Müt cheei hao thangbou shuong shanga jembü langkei phoyokulabü to liman lubü sanou yaangbü aki.

¹⁴Ngei kan la ai sakkuda kho kanei kümalonga kan kü thangbou shuong ki.

¹⁵Ngei touje kan to sambü dogo angada, aishanga haoeibü bunyuei ai kümda kho sambüei angekei; lausikei ngei kan to thangbou shuong dogo ngada, aishanga ngei Kübou ka ditbü pendou ngei kan la ngetia.

¹⁶Kanei ngo apien. Kanei hauan mai juongnyu, khei süngshonbü mai hektila shanga ngei kan pienkei; hibü kanei Bou ka kü nyena ai shanga ong hilaje kho haoei kan la kulabü.

¹⁷Ngei kan la ho ngühkhüm kuda; cheei che to sanoushi.

¹⁸“Kaodakei kan mangsena longa, kan to amangsenjineithama hoei ngo mangsenkei dogo kanei ngeashi.

¹⁹Kan kaodakeibü tegüje, kaodakei jembüeibü to sanoulabü. Kaodakei kan mangsenda aieilausi kan kaodakeibü aying. Ngei kan kaodak ka pienkei.

²⁰‘Aao che kho haoeibü bunyu to yaangbou aying’, dogo ngei kan to ai laukei kho damenashi. Haoenei ngo shieikoekei longaje, haoenei kankei shieikoelabü; haoenei kü ngüh ditalonga, haoenei kaneibü ngühkei ditkulabü.

²¹Lausikei haoenei khübü pendou kü nyena kan to kümlabü, aieilausi haoenei ngo hautibou kho angekei.

²²Ngo louan haoen to ajoyo tegüje, haoen shabü teyingkhoulabü; touje haoeneibü shabü shanga haoen satenshang aki.

²³Aoei ngo mangsenda haoei kü Boukei mangsenda.

²⁴Ngei haoen yoa lubü aoeikei akümbü kümsilei habü aküm tegüje, haoen shedbü teyingkhoulabü; lausikei haoenei küküm külei hapa hoba Kübou küsi ham mangsenkei.

²⁵Hibü haoeneibü Ngühkhüma doan kibü tegü ngüh ho loushadjan, ‘Ai ayingbüa haoenei ngo mangsenkei.’

²⁶“Ladang ngei Bou ka hautibü Thuibou loulaje, Bou ka laobou ngühmai Soushou ki, haoei kü shanga aukabü künlabü;

²⁷kankei ngeibü aukabü shuong ki aieilausi kan khangbü ka jaüan kü yoa kikei.