Read Chang Naga YOUKOIKJAI 6 Bible Online

YOUKOIKJAI 6 - Chang Naga bible

YOUKOIKJAI 6

¹Khübü chaloua ladang eikshuong kho lühbaka haako haukei, Grik ngühyem laubü Jihudabü shuongei Aramaik ngühyem laubü Jihudabü shuong khulimbei aishanga chaangbou shausiyung janbüa haoen aekabü latnyu shuong khoje wailetkei.

²Youkoikjai Anthüknyi khoei eika yobü shuong kho ngaishaikei hoba laukei, “Kaodakbü nyakanama ikjai lejinei Mühghaü Ngühlang hangletan phokulabü kho kün shanga maangkhailabü che aying.

³Hibü jaisinasi shuong, kan yo ka Soushouei hoba songeidoei shenbü kanei maang angbü müt nyet pienashi, hoba künei haoen kho kümaleia ikjai letilabü.

⁴Künje, kün lolo welaua khümbo kulabü hoba Ngühlang künbüa khangenlabü.”

⁵Lenbü kho pendou shaibü shuong pendouei olinko sungletkei hoba haoenei habü ho pienkei: mailem hoba Soushou Saopobüei shenbü Stefen, Filif, Prokhora, Nikanor, Timon, Parmena hoba Jihuda songlebou Antiok kabü Nikhola.

⁶Haoenei haoen dan kho youkoikjai shuong jungto leiban lenkei hoba haoenei haoeneibü khua ikei shangetan welaukukei.

⁷Kho tegü ong Mühghaü Ngühlang aakei. Jerusalema eikshuong aei aei mütshang yaangko lühbak haakei, hoba ungshedbü shuongkei juong mailem khüto lotkei.

⁸Stefenei, onou hoba seiei shenan, mütshuong yoa maang- panglabü hoba seikümseilei juong kümbo paikei.

⁹Lausikei Alexandria si Kurini ka Solo sinagoga yobü dan hoba Kilikia si Asia kabü at yoan, ajiaphaiko Stefen to ngüh wetyokei;

¹⁰lausikei haoei Soushouei jinkubü songsihonei laubü ngüh kho haoenei atokngaienko apbei.

¹¹Kheijinei haoenei müt at jekthetan hai lautikei, “Haoei Mosa hoba Mühghaü khulimbo laubü künei dida.”

¹²Haoenei mütshuong, jaishou shuong hoba Ngühkhüm lenbou shuong pühnyintikei hoba hao lapan Sanhedrin jungto sungbakei.

¹³Haoenei hao khulimbo amlangbü hai laukei, “Ho müt hoei Saopobü Lembüchem hoba Ngühkhüm khulimbo laubü athaksapda.

¹⁴Aishanga Nazaretbü Bunyubouei ho Lembüchem ho leilutilabü hoba Mosaei sen la kubü hangsilam kho jeileilabü dogo ho mütei laubü künei dida.”

¹⁵Hobaje Sanhedrina setbü mütshuong pendouei hao to chühkei hoba haoeibü thenyek kho khuthük hangangbüeibü thenyek tegütham hapbei.