Read Chang Naga ROM 5 Bible Online

ROM 5 - Chang Naga bible

ROM 5

¹Hibü, touje, mailem danko sen Mühghaü thedanga mat maitisije, seneibü Bunyubou Jisu Khrista danko sen Mühghaü yoa sangmaia ki.

²Seneibü mailemei haoei sen shanga Mühghaü maangshikbü, laobounei sen tou loan ki, khüto lam ipbukei hoba Mühghaüeibü soneikangbü maanglem kho shanga sen olinyoda.

³Haü, khonku khonsakakei olinda; aieilausi khonsakei natenbü sungbada,

⁴natenbüei thükenbü thechüh, hoba thechühei maanglem sungbada.

⁵Maanglemei sen ladangkei aphenyemtida, aieilausi haoei sen la kubü Soushou Saopobü danko Mühghaü sanou kho seneibü maangpon to jinkuda.

⁶Sen haang alongko kijinei jih tetbüa Khrista sen Mühghaü angebü shuong shanga haikukei.

⁷Cheei müt maibü che shanga haikulaje natla thükasikei, sao- pobü müt cheeibü mata haikulaje seklabü.

⁸Lausikei sen tokei shabü shuong yingjinei, Khrista sen shanga haikubü danko, Mühghaüei haoeibü sanou sen la aukabü kuda.

⁹Hibü touje, Khrista haibü danko sen Mühghaü maangshat ka hao danko satenlabü dogo senei aei chongchingda.

¹⁰Aishanga sen dangan kijinei hao Shou haibü danko sen Mühghaü to papletikei hoba, aeije tou sen paplepan kibü langkeibü Khristaei sen khümenlabü.

¹¹Kho ong aying; seneibü Bunyubou Jisu Khrista danko sen Mühghaü to olinyoda, aishanga sen Mühghaü junga nyibou che la yeitibou kho hao ki.

¹²Ho tetlabü daman chühshi. Ho kaodak to müt che danko shabü hoba shabü danko haibü loukei. Kho tegü haibüei nyakan apbei aieilausi müt pendouei shabü shonkei.

¹³Ngühkhüm akibü thedang tokei kaodaka shabü kho kiteikei, lausikei ngühkhüm akijinei müteibü shabü kho aweei.

¹⁴Khei yingasikei Adam ka Mosa jihsiphaia sühko, Adamei tegü ngühkhüm lulimbo shabü ashonbü mütshuong thükakei haibüei songdakkei. Tou, Adam kho loula kibou kho phatko kiteikei,

¹⁵lausikei khünei Mühghaüeibü onoubü si Adameibü shabü aikei takteiyolabü aki. Müt cheeibü shabüei pendou jungto haibü sungbakei, lausikei Mühghaüeibü onoubü hoba haoeibü onoubü jongsak, müt che, Jisu Khrista danko pendou jungto apsileko sungbabü haülabü hau kho phangche kiteikei.

¹⁶Mühghaü jongsak si müt cheeibü shabü shonbü kanglanga aikei takteiyola aki; aieilausi Mühghaüei müt cheeibü shabü matjembüei haibü to leikei, lausikei haoeibü onoubü jongsakei juongnyu shabü apbubü to leida.

¹⁷Aishanga müt cheeibü shabüei kho müt che danko haibü songdak khangenkukei. Khülongaje, Mühghaü onouei, haoei lolo hao to mat maitila hoba kho soukoauko sungletbü shuongla, Jisu Khrista che danko, langkei songdakla lai küman athüktila?

¹⁸Hibü müt cheeibü shedbü danko lai pendou jungto haibü sungbakei kho tegü müt cheeibü saopobü kümsileiei Mühghaü junga langkei kubü phenyobü sungbada.

¹⁹Lai müt cheeibü ngüha alebüka pendou shabüla yeitikei, kho tegü müt cheeibü ngühalebü danko pendou Mühghaü thedanga mat maitilabü.

²⁰Shabü aei haatila shanga Ngühkhüm loukei. Lausikei lanei shabü aei pühkei, khünei aeiko onouei shenkei.

²¹Loushedbü kho ho, shabü songdak tetlabü kho müt shanga haibü hoba onoubü songdak kho, seneibü Bunyubou Jisu Khrista danko thon akibü langkei to leibü Mühghaü thedanga mat maibü tetsida che ki.