Read Chang Naga 1 KORINT 5 Bible Online

1 KORINT 5 - Chang Naga bible

1 KORINT 5

¹Kan yoa, Küksithang yoa mangkei akibü asangalanbü kia dogo maimaitham ngühlang hapakei: khei, müt cheei boueibü yak leakei!

²Hobaje kan yonglambo pakakei. Aeiko khei kümbou müt kho kan himjam ka kuktian mang haaplabou ong kiteikei.

³Ngo kan yoa phea ayosikei, ngo soushoua kan yoa kia. Hobaje ngo yobü jam, hatlabü kümbou müt khola ngei matjem kuan apsepa.

⁴Kan ladang seneibü Bunyubou Jisu nyena, kü soushoukei kan yoa yoan, hoba seneibü Bunyubou Jisu sei yoan chela takshatlaje,

⁵kheijinei, haoeibü langkei haang mautian, phaia seneibü Bunyubou chaloua haoeibü soushou khümenlabü lele kheibü müt kho Satan la khümbomeiko kuan apashi.

⁶Kan yaangenbü kho maibü aying. Tokai hanbüshouei wen uon pendou putida dogo kanei angekei lo?

⁷Kan uon haanbü la yeila shanga tokai hangbü kho sakenashi. Tükdebüei kan tokai asebü ki, aishanga seneibü Püetbü Lem San shoushou lembü haitia.

⁸Hangbü tokaiei aying, ayingsi maangkom hoba amaibü tokaiei aying, lausikei hinseibü hoba ngühmai tokai asebü wentekei senei lem kho likho.

⁹Kanei asangalanbü mütshuong to teyang dogo ngei kan jungto ngeibü lea dokei.

¹⁰Lausikei ngei, ho kaodak asangalanbü, ayingsi nyekdüh maangdüh ayingsi aeilam aeiphop, ayingsi heangsho lembü dan to teyang alauda; khei yingalonga kan kaodak ka kuklabü ong jouakei!

¹¹Lausikei jaisina dogo laubü müt at asangalanbü ayingsi dühbü, ayingsi heangsho, ayingsi nyikubü, ayingsi ihyungbü, ayingsi aeilam aeiphopbü yoa ayanglabü shanga dokei. Kanei kheibü müt yoa shau ongkei ashaujan.

¹²Tangkabü mat jemla ngeibü kümsilei ai ki? Mühghaüei haoen mat jemlabü. Kanei maangkabü mat ong jemda aying lo?

¹³Tangkabü shuong mat kho Mühghaüei jemlabü. Müt amaibü kho kan yo ka kuktiashi.