Read Chang Naga 2 KORINT 10 Bible Online

2 KORINT 10 - Chang Naga bible

2 KORINT 10

¹Khrista jembü sangsembü hoba ea aoabüei ngei kan to sudajada. Ho, kanei kan yoaje hattemkok hoba banganje kan khulimbo sekboulakbou dogo kanei dambou Paul ki.

²Haü, künei kaodak hangeilamei paida dogo aoyouei damda, haoen khulimbo ngo maangkhailabü dogo damakei, lausikei ladang ngo yolaje, kho maangkhai alentila shanga ngei kan to sudajada.

³Maimaitham kün kaodaka kida lausikei künei kaodak pheei tegü awapyoda.

⁴Küneibü wapyo insiaubuje kaodakeibü aying; lausikei khübüje lapheishon tuongtilabü lele Mühghaü thedanga hau kibü ki. Künei amlang wetyopekyobü luan koutida,

⁵hoba Mühghaü ngebü khulimbo sungenbü pendou jangan koutida; hoba dambü pendou Khrista jungto langsenda hoba Khrista ngüha leda;

⁶hoba ladang kanei ngüha lebü haüthüklaje, ngüha alebü pendou phoklamla kün lamleakei.

⁷Kanei tangkabü to ong chühda. Atei hao Khristaeibü dogo mailemsije, hao ailai Khristaeibü ki künkei kho tegü Khristaeibü ki dogo haoei daman chühashi.

⁸Aishanga kan panletla aying lausikei, kan kümlabü lele Bunyubouei kün la ai songdak hau kukei, ho shangabüa ngo hansho aeian yaangenko kia tegükei ngo ihimoulabü.

⁹Ngei kü leei kan hatentila kümeida dogo tedam.

¹⁰Atei, “Paul le atshaibü hoba hau kibü, lausikei hao yojineije hau aki hoba ngühaje hang along” dogo laula thükkei.

¹¹Lausikei, ladang ong akilaje kün küneibü lea kia hoba ladang ong yolaje kheijinei kün kümaleia kia dogo khübü müt shuongei ho damenashi.

¹²Haoen lulo nyen sangngaibü dan to takteiyola ayingsi weyola künei asomda. Ladang haoenei haoen si haoen kanglanga takyolaje hoba takteiyolaje haoen asangadobü ki.

¹³Lausikei küneibü takletbü to liman ayaangenlabü. Khübü takletbü kho Mühghaüei kün la tetan phokuakei, hoba khünei kan Korintbü shuongkei yoakei.

¹⁴Ao anaksühjinei kan jungto Ngühlang Maibü künan loushedbou kho kün kiteikei, hibü kan shanga the lenenbüa künei tou tetbü to aei alimda.

¹⁵Ayingsi müei kümen leienbüa künei tetletbü to liman ayaangenda. Küneibü maanglemje ho, khei kaneibü mailem chingjinei, küneibü kümsileikei tetletbü chenei haakoyaangko hautilabü.

¹⁶Kheijinei künei kan kaophai aiko Ngühlang Maibü songlenla thüklabü, hoba haoenei lulu kommanga kümenleienbü müeibü kümsilei shanga kün yaangenasikei ai shedbü ayinglabü.

¹⁷Laishibaei lauda, “Atei yaangenmang sühalonga haoei Bunyubou shangabü yaangenashi.”

¹⁸Aishanga Bunyubouei nyensangbü ong lejim ki; lausikei jembü lulo nyen sangngaibüa ai mu aki.