Read Chang Naga 2 KORINT 2 Bible Online

2 KORINT 2 - Chang Naga bible

2 KORINT 2

¹Khoei ngo kan maangto shattiko nyibou aloula janenkei.

²Ngei kan ngangtialonga, khülonga aoei ngo olintila? Ngei ngangtibouei sai?

³Hobaje ngo ladang loulaje aoyou ka ngei olinbü hapjan, haoen ka maangngangbü hapsi amaibüla dogo, ngei ho ngüh dokei; hoba ngeibü olin kan pendoueibü olinbü ki dogo, ngei kan pendou to mailembo dokei.

⁴Aishanga ngo maangpon aeije shalebü hoba aeibou khonkuei nyeksi juong angko kan jungto dokei; kan ngangtila aying lausikei kan shanga kü sanou yaangbü kanei ngela shanga ngei kan jungto dokei.

⁵Atei ngangti toptisije kho haoei kü to ji, lausikei (ngei pendou ashaknyinsikei) khoei kan pendou ngangtia.

⁶Kheibü müt shanga juongbouei nyikubü nyenshed kayangei soua.

⁷Hibü khei ayingko, haibü müt hao aeibou ngangbüei pemtoulanga suibüla, kanei haoeibü shedbü apbuashi hoba maangpon haksoentiashi.

⁸Hibü kanei sanou yaangbü hao to nyibou lenashi dogo ngei kan to sudajada.

⁹Ho ngei kanei ajanjan pendoua ngüha leda si aledaje dogo kan takteila hoba ngela shanga dokei.

¹⁰Kanei atla ongkei apbualonga ngei hao la apbulabü. Ngei denche apbusije, ngei ai apbukei, kho ngei Khrista thedanga kan shanga apbukei;

¹¹Satanei sen athükettijan, aishanga haoeibü huonsiyou senei angeko aki.

¹²Ngo ladang Khrista Ngühlang Maibü songlenla Troa to loukei, Bunyubou khangenla shanga kü la kou ipbuan kikei;

¹³lausikei ngei maangpona hakso ühüp, aieilausi ngei küna Tita ühüpou; hibü ngei haoen la bangmai kuan ngo Makedonia to haukei.

¹⁴Lausikei Mühghaü, aoei Khristaa kün thüksimina ponpen leida, hoba kün danko hao ngebü ponlem pendou aenei tang khittida, hao nyen sangashi.

¹⁵Aishanga aoyou khümenan ki, hoba aoyou maushang lama ki, haoen yoa Mühghaü nyena kün Khrista ponlem teibü ki;

¹⁶khei khümenan kibü shuong jungto langkeibü, hoba haila kibü shuong shanga haibü ponlem kün ki. Hobaje khübü shanga ao penkeisoukei?

¹⁷Aishanga juongnyu, aoyouei Mühghaü ngüh kokei lauda haoen tegübü kün ji. Lausikei künei tükdebüei Mühghaü kabü tegü, Mühghaü thedanga, Khristaa kibü mütshuong tegü lauda.