Read Chang Naga 2 KORINT 3 Bible Online

2 KORINT 3 - Chang Naga bible

2 KORINT 3

¹Künei nyibou jembü nyen sangla khangda sai? Ayingsi, atei kümbü tegü, kan nyen sangbü le ayingsi kan ka nyensang le khamda sai?

²Kan kho, küneibü maangpona dobü, müt pendouei ngebü hoba webü, küneibü le ki.

³Ho le sondeiei ado, lausikei langkeibü Mühghaü Soushouei dokei; laangkhüh aying, lausikei pheeibü maangpon laanga dobü kan kho künei dobü Khrista le dogo tang khitakei.

⁴Khrista danko Mühghaü to küneibü maangpona kibüei kho laula thükda.

⁵Kün jembü toje aikei aki. Kün ka dencheje longda dogo künei laula athük. Kün thüksimin Mühghaü ka louda.

⁶Ladang haoei kün soushou thesilan haanboueibü khangenbü shuong la yeitikei, lubü ngühkhüm ong aying, lausikei kün khambü pendou haoei kukei; aishanga dobü ngühkhümei haibü sungbada, lausikei Soushouei langkei kuda.

⁷Touje laanga haüyetko dobü Ngühkhüm kho haibüa thona. Lausikei ho, kouko kiteian mangkei, jamang shoubüei Israel shousi shuongei Mosa thenyek to chühla ongkei athükkotham soneikangko loukei.

⁸Khülonga, Soushou kubü soneikangbüa loujineije latetche aeila?

⁹Hobaje mütla shedbü kubou Ngühkhüm yoa soneikangbü khütetche yoalongaje khülonga sen Mühghaü thedanga mat maibou Soushou kujinei soneikangbü latetche aei yingla?

¹⁰Aishanga soneikangbü yaangbou ho tetanje, thedang kabou che soneikangbü khoje akangbü la yeia.

¹¹Aishanga koujung ngaiboula soneikangbü kialonga khoto liman ponpen akoubou soneikangbü latetche yaangbou yingla?

¹²Hibü haitham maanglem yingsije, künei aeibou maangkhai ngüh lauda.

¹³Lausikei künje, Israel shousi shuong la, jamang kouko hoba mauko kiteibü achühtila thenyek yuklepbou Mosa tegü aying.

¹⁴Haoeneibü maang ngouan apakei, aishanga tat sühko hangbü thesilan kho wejinei haoeneibü yukjin kho kia. Kho mo üpbei, aishanga Khristaa ong kho apenda.

¹⁵Haü, tat chalou sühko, ladang ong Mosa le shuong weda, ditbü shuong maangpona yukjin kibü maimai ki;

¹⁶Mosa Laiei lauda, “Lausikei ladang ong müt cheei Bunyubou jungto sepeilaje yuklepbü kho sungan apbuda.”

¹⁷“Bunyubou” kho Soushou ki, hoba lanei Bunyubou Soushou ki khünei dongebü ki.

¹⁸Hobaje sen pendou thenyek ayuklepsi, Bunyubou soneikangbü mangchüha tegü hapbo, soneikangbü ka soneikangbü jungto, Bunyubou Soushou ka tegü, hao phatbüa jeileiko yeitida.