Read Chang Naga GALATIA 5 Bible Online

GALATIA 5 - Chang Naga bible

GALATIA 5

¹Dongebü yeila shanga Khristaei sen dongetikei. Hibü kaangkhühtham loashi, hoba nyibou aaothu buleng phanga tepeyo.

²Ngo, Paulei kan to lenda. Ngei laubü to ditashi. Kan lolo kiptialongaje Khrista kan shanga ai ku akilabü.

³Hobaje kipbü weko to, haoei Ngühkhüm song pendou jungeila hao sangh theakei dogo ngei nyibou aukabü kuda.

⁴Kan ngühkhümei Mühghaü thedanga mat maitila haujembü shuong Khrista ka bangakei; hoba kan Mühghaü Onou ka atetakei.

⁵Lausikei sen shangaje, Soushouei sen mailemei Mühghaü thedanga mat maitilabü dogo maanglemei chüheida.

⁶Aishanga sen ong Khrista Jisu yoa thangjaman kialonga kipbü shanga ayingsi akipbüei ai aying; lausikei sanou danko mailemei kümbüa ong thonkei.

⁷Kan maisho langko kiteikei; ngühmai to ngüha lebü ka kan aoei shingekkei?

⁸Kan ngabou Mühghaü ka kheibü suletjaletbü alou.

⁹Tokai hanbüshouei wen uon khümbo putida.

¹⁰Sen pendou Bunyubou cheeibü yingsije, kaneikei ngei tegü ong damlabü dogo ngei kan to maanglemda; lausikei ao ao yingasikei kan maang phenyemtibouei kayang thoshaulabü.

¹¹Lausikei jaisinasi shuong, ngei tou khei kiplabü kümsilei dogo songlenda longa, ngo aila tou sühko shieikoela? Ngei tou sühko kipbü shanga songlenalonga, ngeibü peisei songlenei phaiyetbü telongtikhoulabü.

¹²Aoyouei kan phenyemtida, ngei haoen jembü lolo saopotham lipan aptimang sühda.

¹³Jaisinasi shuong, dongebü shanga kan ngakei; lausikei ho dongebü pheei mangsühbü shabü kümsilei shanga tejungeima, lausikei sanouei jenabou si jenabou khangenyoashi;

¹⁴aishanga Ngühkhüm khümbo ngühkung chenei loushatda, kho, “Nyi ka lepbou to jembü tegü sanouashi.”

¹⁵Lausikei kanei jenabou si jenabou hauhei takyoda hoba nyaiyoda longa, jenabouei jenabou khümbo ashemtila maangsangashi.

¹⁶Lausikei kanei Soushouei paiashi, hoba kanei pheeibü mangdüh aloushadtilabü dogo ngei kan to lenda;

¹⁷aishanga phe maangdak kho Soushou khulimbo, hoba Soushou maangdak kho phe khulimbü, aishanga khünyi dang- yoda; khoei kanei ai kümmang sühda kho kanei akümda.

¹⁸Kan Soushouei leiyeialonga kan ngühkhüm phanga aki.

¹⁹Pheeibü shabü kümsilei shuong shangashatakei, khübü kho: asangalan, ihinseibü, pejapela,

²⁰heangsho lembü, seibütakbü, mangsenbü, lemenbü, nyekto shatbü, khauangbü, aeilam aeiphop, janyinbü, tan sheienbü,

²¹nyekshat maangshat, ihjakbü, kusembü, hoba kho tegübü. Aoyouei kheibü jungeilaje haoenei Mühghaü Sangle phet aphanlabü dogo ngei ailai kan shangied maangsangtikei kho tegü tou ngei maangsangtida.

²²Lausikei Soushou hek ho: sanou, olinbü, sangmai, natenbü, üeisanou, maangmai, maanglemenbü,

²³eaaoabü, hoba jembü lolo thepetbü. Kheibü khulimbo ngühkhüm aki.

²⁴Hobaje aoyou Khrista Jisu müt shuong ki haoenei pheei dühbü hoba pejapela pendou peiseia thüngan apa.

²⁵Soushouei sen lang kisije, senei Soushouei tokei paikho.

²⁶Senei yong telambho, senei jenabou si jenabou temangpok- yokho ayingsi the teshouyokho.