Read Chang Naga EFESIA 3 Bible Online

EFESIA 3 - Chang Naga bible

EFESIA 3

¹Khoei ngo, kan Küksithang shanga, Khrista Jisua thüngbou Paulei, kan shanga welaukuda.

²Mühghaü onou nongnaela kümsilei laobou kan shangabü kanei maimaitham ditan kilabü;

³ailai tangkhitbü ngühei huphang ngüh kho kü la ngetikei, kho ngei shangied ngüh tuibouei dokei.

⁴Hobaje ladang kanei kho wean chühlaje, Khrista huphang ngüha ngei ditletbü kanei ditenlabü.

⁵Ho huphang ngüh kho tou Soushoua hao saopobü youkoikjai shuong to tang khitbü tegü lubü metena khunak shousi to angetiko kiteikei.

⁶Hobaje kho huphang ngüh kho ho, khei Ngühlang Maibü danko Khrista Jisua Küksithang shuong kün Jihudabü yoa phetphanbü shuong, hoba mang jeteibüa yobü shuong hoba thekubü jetei sungletbü shuong ki.

⁷Haoeibü maangmai onouei kü to kümbü haoeibü sei danko, Mühghaüei ngo kho Ngühlang Maibüeibü sambü yeitikei.

⁸Khristaeibü ashuokenbü keisi- yaang Küksithang to songlenla, Mühghaü müt shuong pendou to hanbou ngo, kü la kho onou kua.

⁹Hobaje Mühghaü, aoei peisilei pendou kümbei, hao to laobou huphang ngüh meten juongnyu huan kiteikei, kho nongnaebü ngüh müt pendou la haptila shanga,

¹⁰hoba Mühghaü ponpen thon akibü nyekchüh tegütham, laobou haoei seneibü Bunyubou Khrista Jisua maangangenkei,

¹¹haoeibü songsihon yaang tou lashong danko müh kabü kishanga songdakbü shuong hoba songdak hau shuong la ngetienlabü shanga, kü la kho onou kukei.

¹²Khristaa hao sen to mailem danko sen aeibou maanglemei maangkhaibü hoba Mühghaü jungto loutibü senei ki.

¹³Hibü kan shanga ngeibü khonku khonsak, laobou kaneibü soneikangbü ki, khübü shangabü kan hau akibou teyei dogo ngei sudajada.

¹⁴Ngei lenjung loubü tegü, khoei ong ngei welaua Bou junga khüpetda.

¹⁵Khuthüka hoba kaodaka hao ong chemdang wekoei khoeibü nyen sungleda.

¹⁶Hobaje haoeibü soneikangbü keisiyang ka, haoei hao shou danko kaneibü maangkabou langkeia kan la hau hoba sei kula shanga ngei welauda,

¹⁷khei yingsikei mailem danko Khrista kaneibü maang- pona thünglabü.

¹⁸Hobaje kanei Mühghaü mütshuong pendou yoa Khrista sanoua photak hoba tousüng hoba suokbü hoba haübü, ai yingkeije jembo shuokenlabü lele kan sanoua li attila hoba takshatla shanga ngei welauda.

¹⁹Hapbüngebü pendou to khaibou Khrista sanou ngela hoba kan Mühghaü penbüsoubü pendouei shenlabü lele ngei welauda.

²⁰Tou, sen to kümbü sei tegütham, aoei senei phebü hoba dambü pendou to aei kümla thükda,

²¹hao to lashonga hoba Khrista Jisua soneikangbü meten pendoua ponpen kishi! Amen.