Read Chang Naga 1 THESALONIKA 1 Bible Online

1 THESALONIKA 1 - Chang Naga bible

1 THESALONIKA 1

¹Ho le, Paul, Silvana hoba Timoti ka, Bou Mühghaü hoba Bunyubou Jisu Khristaeibü Thesalonika lashong jungto. Kan jungto onoubü hoba hakso yingshi.

²Küneibü welaua kan nyen phongko künei kan pendou shanga ponpendou Mühghaü la nyensang kuda.

³Kaneibü mailem ka longbü ikshatbü, hoba seneibü Bunyubou Jisu Khrista to maanglem ka longbü natenbü, seneibü Bou thedanga Mühghaü künei athakko damenda.

⁴Aishanga kan küneibü jaisinasi shuong hoba Mühghaüei kan sanouda. Künei kan Mühghaüei pienkei dogo ngeakei,

⁵aieilausi künei ladang kan to Ngühlang Maibü songlenkei, kho ngüh konga ongje ayingtei; lausikei khünei Soushou Saopobü sei yoan kiteikei, hoba küneibü ngühlang ngühmai dogo kanei chongchingkei. Aishanga kan shanga kan aenei kün ailaibü mütshuong kiteikei kho kaneikei ngeakei.

⁶Hobaje ngühlangei khonsak yaang senbasi dogokei Soushou Saopobüei kubü ngüh kho sungletko, kün hoba Bunyubou neinoubü yeikei,

⁷hoba kho tegü kan Makedonia hoba Akhaiaa mailembü pendou to kan tetsida che yeikei.

⁸Aishanga Bunyubou ngühlang heeko hoba haako yaangko dittibou kho no kiteikei. Makedonia si Akhaiaa ong aying, lausikei nyi Mühghaü to mailembü ngühlang kaodak pendou ae aa. Hibü künei ngühlang che ongkei lenla akhamda.

⁹Aishanga kün shanga kan jungto kün ailai ong loukei, hoba kanei langkei hoba tükdebü Mühghaü khangenla ailai heangsho shuong ka Mühghaü jungto sepeikei,

¹⁰hoba hao Shou, ao haoei haibü ka langngaitikei, ho Jisu aoei loula kibü khauang longbü ka sen khümenda, hao khuthük ka aloushongko haiteila haoenei hao lolo ngühlang kuda.