Read Chang Naga JOSHUA 19 Bible Online

JOSHUA 19 - Chang Naga bible

JOSHUA 19

¹Nyiboubü phejan Simeon shanga khei Simeoneibü shou chung shanga haoeneibü chemdang thüng hapbü; hoba haoeneibü phet Jihuda shousi phet yoa kikei.

²Haoeneibü phet shanga haoenei habü ho hapbei. Beersheba (ayingsi Sheba) hoba Malada;

³Hazarshual, Bala, hoba Ezem;

⁴Eltolad, Bethul, hoba Horma,

⁵Zielak, Beth Markaboth, hoba Hazar Sura,

⁶hoba Beth Lebaot, hoba Sharuhen, haoeneibü sang yoan sangnyu anthüksem.

⁷Ain, Rimmon, Ether, hoba Ashan, haoeneibü sang yoan sangnyu lei;

⁸hoba khübü sangnyu kaijembo kibü sang pendou Baalath Beer, kho chaangbou phei Rama sühko kikei. Simeoneibü shousi shuong chung haoen chemdang thüng hapbü phet ho ki.

⁹Jihudaeibü shousi shuong phejan ka sungenan Simeomeibü shousi shuong phet kikei, aieilausi Jihudaeibü shousi shuong phet haoen shanga liman kikei, hibü Simeoneibü shousi shuong phet haoeneibü phet yoa kikei.

¹⁰Hobaje semboubü phejan haoen chemdang to chühan Zebuluneibü shousi shuong shanga kukei hoba haoeneibü phet leilang Sarid sühko kikei,

¹¹hoba haoeneibü leilang chanep aenei Marala sühko hauan Dabbeshet sühkei;

¹²hoba chaangbou aenei Sarid ka sepeian chaangbou Kistot Tabor leilang sühko haukei; hoba Daberat hoba Jafia sühko kikei;

¹³hoba kho ka chaangbou aenei Gath Hefer hoba Et Kazin danan Zimmon to haukei, hoba Neah sühko weanjinkei;

¹⁴hoba leilang yungkük ae Hanathon aephei to hauan Ifiahel yomanga thonan kikei;

¹⁵hoba Kahat, hoba Nahalal hoba Shimron, hoba Idala hoba Bethlehem sühko haoeneibü sang yoan sangnyu anthüknyi.

¹⁶Haoeneibü sang yoan khübü sangnyu haoen chemdang to chühan hapbü Zebuluneibü shousi shuong phet ki.

¹⁷Leiboubü phejan Issakar hoba Issakareibü shousi shuong shanga haoen chemdang to chüh- an kukei.

¹⁸Hobaje haoeneibü leilang Jezreel Kesulot hoba Shunem,

¹⁹Hafaraim, Shion, hoba Anaharat;

²⁰Rabit, Kishion, hoba Ebez,

²¹Remet, Engannim, Enhadda hoba Beth Pazzez sühko kikei,

²²hoba Tabor, Shabazuma; hoba Beth Shemesh sühko leilang kikei; hoba haoeneibü leilang Jordana thonan kikei; haoeneibü sang yoa sangnyu anthüklak.

²³Ho haoeneibü chemdang to chühan hapbü haoeneibü sang yoa sangnyu shuong Issakareibü shousi shuong chemdang phet ki.

²⁴Hobaje ngaoboubü phejan Ashereibü shousi shuong phang shanga haoeneibü chemdang to chühan hapbei.

²⁵Hobaje haoeneibü leilang Helkat, Hali, Beten, hoba Akhshaf,

²⁶Allammelek, Amad, hoba Mishal kikei hoba kho chanep aephei Karmel hoba Shihor, Libnat sühko kikei.

²⁷Hobaje chaangbou aephei Beth dagon aephei to sepeian Zebulun chanep aephei Iftahel pholi Beth hoba Neiel sühkei, hoba nanaenei Kabul.

²⁸Hobaje Ebron, Rehob, Hammon, hoba Kana, khei Zidon yaangbou sühko haukei.

²⁹Hobaje baei lelepbü Tur sangnyu sühko Ram to leilang sepeikei hoba leilang kho Hosa aeto sepeikei hoba khoka haubü Akzib kaonyek nyangko yungnyua thonan kikei.

³⁰Umma, Afek, hoba Peho yoan;

³¹haoenei sang yoan khübü sangnyu kho Asher chung shousi shuong chemdang to chühan hapbü phet kikei.

³²Lakboubü phejan Naftali shousi shuong shanga khei haoen chemdang to chühan Naftali shousi shuong shanga kikei.

³³Hobaje haoeneibü leilang Helef Zaanammina yembulong hoba Adaminekeb hoba Jabneel ka Lakkum sühko kikei, hoba kho Jordana thonan kikei;

³⁴hoba leilang kho chanep ae Azoth Tabor to sepeikei, hoba Hukkok to haukei, hoba kho chaangbou aephei to Zebulun chanep Asher hoba chaangbou ae Jordana Jihuda sühko haukei.

³⁵Laang baei kailepbü sangnyu habü ho kikei, Ziddim, Zer, Hammat, Rakkat, hoba Khineret;

³⁶Adama, Rama, hoba Hazor,

³⁷Kadesh Edrei hoba Enhazor,

³⁸Iron, Migdalel, Horem, Beth Anat, hoba Beth Shemesh; haoeneibü sang yoan sangnyu anthükgü;

³⁹haoeneibü sang yoa khübü sangnyu kho Naftali chung shousi shuong haoen chemdang to chühan hapbü phet kikei.

⁴⁰Nyetboubü phejan Daneibü shousi chung shanga haoen chemdang to chühan longkei.

⁴¹Hobaje haoeneibü phet leilang ho kikei; Zora, Eshtaol, hoba Irshemesh,

⁴²Shaalabim, Aijalon, hoba Itla,

⁴³Elon, Timoa, hoba Ekron,

⁴⁴Eltekeh, Gibbethon hoba Baalath;

⁴⁵Jehud, Bene Berak, hoba Gathrimon;

⁴⁶Mejarkon, Rakkon, hoba Jopa thedanga leilang yoan,

⁴⁷hoba Daneibü shousi shuong chung leilang habü ho danjung haukei; aishanga Dan shousi shuongei hauan Leshem khulimbo wapyokei hoba kho shian apbei hoba kho inei mautian haoeneibü la yeikei, hoba khünei kian haoeneibü bou Dan nyenphai ka Leshem la Dan nyenkukei.

⁴⁸Haoeneibü sang yoa sangnyu habü ho Daneibü shousi shuong chung haoen chemdang to chühan hapbü phet ki.

⁴⁹Kho tegü haoeneibü phet shanga kaonyek leilang janbü thon lekei; hoba Israel shousi shuongei haoen jenyua Naneibü shou Joshua la phet kukei.

⁵⁰BUNYUBOUeibü ngühkhüm tegü haoenei haoei phebü sangnyu Efraim shongha kibü Timna Sera hao la kukei, hoba haoei khünei sangnyu kümetkei.

⁵¹Shiloa BUNYUBOU junga kamshang neichem koukhüna phaang pakko phetphanla shanga Eleazar ungshedbou hoba Naneibü shou Joshua hoba Israel shousi shuong chung leiyeibü shuongei jankubü phet habü ho ki. Kho khei haoenei kaonyek janbü thon lekei.