Read Chang Naga JOSHUA 21 Bible Online

JOSHUA 21 - Chang Naga bible

JOSHUA 21

¹Kheijinei Levi chung leiyeibü shuong Eleazar ungshedbou hoba Israel shousi chung leiyeibü shuong nyangko loukei.

²Hobaje Kanan kaodak Shiloa haoenei haoen to laukei, “Kishang sangnyu shuong yoa küneibü samkeisamuk shanga lamshaushang kao kün la kula BUNYUBOUei Mosa danko sengkua.”

³Hobaje BUNYUBOUeibü ngühkhüm tegü, Israel shousi shuongei haoeneibü phet ka khübü sangnyu yoa lamshaushang kao Levi shuong la kukei.

⁴Hobaje Kohatbü phangsi chung shanga phejan longkei; hoba Levi phang Aron ungshedboueibü shousi shuong phejan sangnyu anthüksem, Jihuda phang ka Simeon phang ka, hoba Benjamin phang ka hapbei.

⁵Hobaje joubü Kohat shousi shuong phejan sangnyu an Efraim phang chung ka Dana phang si chung ka, hoba Manasse phang jamde ka hapbei.

⁶Hobaje Gershon shousi shu- ong phejan sangnyu anthüksem Issakhar phangsi chung ka Asher phang ka Naftali phang ka hoba Bashana Manasse phang jamde ka hapbei.

⁷Merari shousi shuong phejan haoen chemdang to chühan Reuben phang ka, Gad phang ka hoba Zebulun phang ka sangnyu anthüknyi hapbei.

⁸Hobaje BUNYUBOUei Mosa danko sengkubü tegü Israel shousi shuong khübü sangnyu yoa lamshaushang kao phejan Levibü la kukei.

⁹Hobaje Jihudaeibü shousi phang ka hoba Simeon phang ka nyen weko khübü sangnyu kukei;

¹⁰hoba khübü kho Kohatbü chung Levi shousi shuong, Aroneibü shousi shuong shanga kikei, aishanga haoenei shaangbou phejan hapbei.

¹¹Hobaje haoenei haoen la Jihuda shongh kho kaijembo lamshaushang kao Kiriath Arba kukei, Anak (kho Hebron) bou Arba kikei.

¹²Lausikei kaonyeka yamshui hoba sang shuong haoenei Jefuneeibü shou Kaleb shangabü lela kukei.

¹³Hobaje müt haitibou shanga satenshang sangnyu Hebron yoa kho lamshaushang kao, Libna yoa kho lamshaushang.

¹⁴Jattir yoa kho lamshaushang kao, Eshtemoa yoa kho lamshaushang kao.

¹⁵Holon yoa kho lamshaushang kao.

¹⁶Ain yoa kho lamshaushang kao, Jutta yoa kho lamshaushang kao, hoba Beth-Shema yoa kho lamshaushang kao khübü phang penyi kho ka sangnyu gü haoenei Aron ungshedboueibü shou la kukei.

¹⁷Hobaje Gibeon yoa kho lamshaushang kao, Geba yoa kho lamshaushang.

¹⁸Anathot yoa kho lamshaushang kao, hoba Almon yoa kho lamshaushang kao, sangnyu lei Benjamin phang ka kukei.

¹⁹Aroneibü shousi shuong ungshedbou sangnyu pendouei lamshaushang yoan anthüksem kikei.

²⁰Hobaje Levi phang Kohat shousi chemdang shuong, khei joubü Kohat shousi shuong yoa Efraim phang ka haoeneibü phejan sangnyu shuong hapbei.

²¹Hobaje müt haitibü shanga satenshang sangnyu Efraim shongha Shekhem yoan kho lamshaushang kao Gezer yoa kho lamshaushang kao.

²²Kibzaim yoa kho lamshaushang kao hoba Beth-Horon yoa kho lamshaushang kao, sangnyu lei haoen la kukei.

²³Elteka yoa kho lamshaushang kao,

²⁴Aijalon yoa kho lamshaushang kao, Gathrimon yoa kho lamshaushang kao sangnyu lei Dan phang ka kukei.

²⁵Hobaje Taanak yoa kho lamshaushang hoba Gathrimon yoa kho lamshaushang kao, sangnyu penyi Manasse phang jamde ka kukei.

²⁶Joubü Kohat shousi shuong chemdang sangnyu pendou an yoan lamshaushang kao kikei.

²⁷Hobaje Manasse phang jamde ka sangnyu penyi, müt haitibü satenshang sangnyu Golana Bashan hoba kho lamshaushang kao, sangnyu penyi haoen Gershoneibü shousi Levi chemdang la kukei.

²⁸Hobaje Issakar phang ka sangnyu lei Kishon yoa kho lamshaushang kao,

²⁹Jarmut yoa lamshaushang kao Engannim yoa kho lamshaushang kao,

³⁰hoba Asher phang ka sangnyu lei, Mishal yoa kho lamshaushang kao,

³¹Helkat yoa kho lamshaushang kao, hoba Rehob yoa kho lamshaushang kao

³²hoba Naftali phang ka sangnyu sem müt haitibü satenshang sangnyu Galila Kadesh yoa lamshaushang Hammoth-Dor yoa kho lamshaushang kao hoba Kartan yoa kho lamshaushang kao.

³³Gershon phang haoen chemdang to chühan hapbü sangnyu pendouei anthüksem yoan khübü lamshaushang kao kikei.

³⁴Hobaje Merarieibü shousi chemdang kho joubü Levi phang la Zebulun phang ka sangnyu lei Jokneam yoa kho lamshaushang kao, Karta yoa kho lamshaushang kao,

³⁵Dimna yoa kho lamshaushang kao

³⁶hoba Reuben phang ka sangnyu lei, Bezer yoa kho lamshaushang kao,

³⁷Kedemoth yoa kho lamshaushang kao hoba Mefaat yoa kho lamshaushang kao.

³⁸Hobaje Gad phang ka sangnyu pendouei lei, müt haitibü satenshang sangnyu Gileada Ramoth yoa kho lamshaushang kao, Mahanaim yoa kho lamshaushang kao,

³⁹Heshbon yoa kho lamshaushang kao hoba Jezer yoa kho lamshaushang kao;

⁴⁰khübü pendouei Merarieibü shousi shuong joubü Levibü chemdang shuong haoen chemdang shuong to chühan hapbü sangnyu shuong kikei, hoba haoeneibü phejan sangnyu anthüknyi kikei.

⁴¹Israel shousi shuong phejan janbü kao yoa Levi phang sangnyu pendouei saonyito set yoa khübü lamshaushang kikei.

⁴²Khübü sangnyu weko haoen kaijemboa lamshaushang kikei, khübü sangnyu pendou kho tegü kikei.

⁴³Hibü haoeneibü pisibou la thekubü kaodak pendou BUNYUBOUei Israelbü la kukei hoba haoenei kho lekei hoba khünei kikei.

⁴⁴Hobaje haoei haoeneibü pisibou la thekubü tegü haoen kaijemboa BUNYUBOUei haoen la hakso kukei hoba haoeneibü dangbou müt che ongkei haoen thedanga aloen; haoeneibü dangbou pendou BUNYUBOUei haoeneibü ika khümbo kukei.

⁴⁵Hobaje BUNYUBOUei Israel chemdang to thekubü tegü kümsilei maibü pendou che ongkei athük alot; pendou haüthükjung loukei.