Read Chang Naga TITA 2 Bible Online

TITA 2 - Chang Naga bible

TITA 2

¹Lausikei nyi tükdebü lenbü to papbü lenjan;

²nyi jaishou shuong eaaoa, daman chühbü, thepetbü, hoba mailema, sanou hoba natenbüa hau kilabü shanga haoen la lenashi.

³Noushou shuongei kho tegü Mühghaü la soumo kubü langkei kijan. Haoen kho sembung lishang simbü ayingsi iheibü aao ayingjan. Haoenei ai maibü ki kho lenjan,

⁴hoba chemdang nashou yaksi shuong to haoeneibü laosi hoba shousi shuong to sanoula, hoba

⁵senetbü, hinseibü, chemküm chemleia tedtangbü, onoubü, hoba haoeneibü laosi shuong to ngüha lebü yingla shanga lenjan. Hibü khoei ong Mühghaü ngühlang kho ashatilabü.

⁶Heshou shuongkei kho tegü thepetbü kila shanga lenashi.

⁷Hobaje nokei nyi kümbüleibü pendoua tetsida maibü lenenjan. Kaibü lenbüa no takshatbü hoba damanchühbü yingjan.

⁸Sen shangabü amaibü laueila ai akiko dangbou himou bautilabü lele nyi laubülebü pendou kho maibü hoba ashatilabü lele yingjan.

⁹Sambü shuong kho ajanjan pendoua haoen sambou phanga yingjan. Haoenei pekngaila ayingko maang haitila haujemjan

¹⁰hoba akokasemlabü. Haoen kho mudonga maanglemenbü dogo lenenjan hoba hangsilam pendoua sen Khümenbou Mühghaü lenbüa soumo kitijan.

¹¹Aishanga müt pendou jungto khümenbü sungbako Mühghaü onou tang khittia.

¹²Seneibü Mühghaü yaangbou hoba Bunyubou Jisu Khrista soneikangbüa hapla senei seneibü haülabü maanglem Chalou kho chüheitoua, sen saopobü hoba kaodak maangdüh pendou apyola shanga hoba toubü meten damanchühbü langkei, saopobü hoba Mühghaü ngebü langkei kila shanga sen to ho onouei lenda.

¹⁴Haoei sen shabü ka do ngetila, amaibü pendou ka sen saüenkula, sen haoei pienbü mütli yeitila hoba sen la maibü kümla maangtaktila shanga haoei jembü lolo sen la kukei.

¹⁵Nyi ho laujan ki; kü mütshuong thungeila hoba hakla hau khümbo ka la kua. Aolakei aweasüngko tekiti.