Read Chang Naga MATJEMBÜSHUONG 17 Bible Online

MATJEMBÜSHUONG 17 - Chang Naga bible

MATJEMBÜSHUONG 17

¹Efraim shongh kaodaka müt che nyenei Mika kikei.

²Haoei haonyu to laukei, “Nyi mautibü chandinam saongaoto anthükche laobou shanga nyi khükko uokko laukei, hoba toukei ngeibü nouei ditko laukei, chühashi, chandinam kho ngei kia, kho ngei sungkei.” Hobaje haoeibü nyuei laukei. “BUNYUBOUei no haükushima!”

³Hobaje haoei chandinam saongaoto anthükche kho haoeibü nyu la kungaikei, hoba haonyuei laukei, “Ngei ngeibü ik ka kü shou shanga heangsho che hoba tühnyinbü noksa che kümla BUNYUBOU la khümbo kuda, hibü tou ngei ka la nam kho kungailabü.”

⁴Hobaje ladang haoei haonyu la nam kho kungaikei, haonyuei chandinam saoan kho sungkei, hoba kho chandinam yaübü la kukei, haoei heangsho che hoba tühnyinbü noksa che kümbei, hoba kho Mikaeibü chema kikei.

⁵Kho Mikaeibü chema mühghaü chem che kikei, hoba haoei ungshedbou saopobü hele hoba terafim kümbei hoba hao shou che khümbo kukei, ao haoeibü ungshedbou yeikei.

⁶Khübü chaloua Israela Choba akitei, müt- pem wekoei lulu maang ong lekei.

⁷Tou Jihuda chempen ka Jihudaa kibü Bethlehem ka heshou che kikei, hao Levibü, hoba hao khünei homan kikei.

⁸Hobaje müt kho Jihudaa kibü Bethlehem ka kishang hapbü chenei kila kukjung haukei, hoba hao haujinei Efraim shongh kaodaka Mikaeibü chem to loukei.

⁹Hobaje Mikaei hao to laukei, “No laka louda?” Hobaje haoei hao to laukei, “Jihudaa kibü Bethlehembü Levibü che ki, hoba ngo kishang hapbü chenei homan kila hauda.”

¹⁰Hobaje Mikaei hao to laukei, “Kü yoa kishi hoba ngeibü boumai tegü hoba ngeibü ungshedbou che tegü yeishi, hoba ngei ka la po chenei chandinam an kulabü, hoba neisimei soukoaoko hoba kaibü shausiyung kulabü.” Hibü Levi bou kho atkei.

¹¹Hobaje Levi bou kho müt kho yoa kila maang haikei, hoba heshoubou kho haoeibü shousi yoa che tegü hao thedanga kikei.

¹²Hobaje Mikaei Levi bou kho saüenko khümbo kukei, hoba heshoubou kho haoeibü ungshedbou yeikei, hoba hao Mikaeibü chema kikei.

¹³Kheijinei Mikaei laukei, “Touje BUNYUBOUei ngo naang maitilabü dogo ngei ngekei, aieilausi ngeibü ungshedbou la lela Levibü che kia.”