Read Chang Naga 3 JOHAN 1 Bible Online

3 JOHAN 1 - Chang Naga bible

3 JOHAN 1

¹Ho le, ngühmai himjam manga ngei sanoubü Gaia jungto jaishou ka.

²Sanoubü thangbou, no soushoua lai hau ki kho tegü pheakei ashatanyatko langkei maibüa kila ngei welauda.

³Ladang jaisina at louan nyi ngühmai to khümbomeiko maangdakbü shangabü lenkei ngo aeibou olinkei. Maimaitham no ngühmaia paida.

⁴Kü shousi shuong ngühmaia paida dogo ditbü to yaangbou ngeibü olinbü aki.

⁵Sanoubü thangbou, haoen yenla yeian kijinei mangkei nyi jaisina shuong shanga nongeisaebü pendoua no maanglemenbü ki;

⁶haoenei lashong thedanga kaibü sanou shanga aukabü kua. Sanoudaman haoen wakoua nyi khangenbü Mühghaü hangsilam muko thuiashi;

⁷aishanga haoen Nyen kho laüa wakou meimeia hoba haoenei küksithang ka ai aleku.

⁸Senkei ngühmai shanga thujam kümbüleibü shuong dogo lenenlabü lele senei khübü mütshuong thuijan.

⁹Ngei lashong to dokei, lausikei haoen yoa khuleilanglei mangsühbou Diotrefeei küneibü hau asungletda.

¹⁰Hibü ngo ladang loulaje, haoei kün khulimbo nyamnyambü ngühsidei angbü pendou ngei kan la damentilabü. Khoeikei maang ühaiko, haoei jaisinasi shuong asungletda; hoba aoyouei sungletda haoei haoen shiletda hoba haoen lashong ka kuktida.

¹¹Sanoubü thangbou, amaibü tetsida phai tesem lausikei maibü phai semshi. Aoei maibü kümda hao Mühghaüeibü ki; aoei amaibü kümda haoei Mühghaü ühüpbei.

¹²Demetria shangabü mütpem wekoei hoba ngühmaieikei aukabü kuda. Küneikei haoeibü aukabü kua, hoba küneibü aukabü kho ngühmai dogo kanei ngeakei.

¹³Ngei ka jungto dola juongnyu kiteikei; lausikei ngei dojin si shiai jungeimang asühda.

¹⁴Ngei no tongde haüyola maanglemda hoba seti theshuok joyolabü. Kayoa hakso kishi. Hakabü jenabou shuongei ka la salem kuda. Sen jenabou shuong la müt- pem nyen shenko salem kushi.