Read Chang Naga TANGKHITBÜ 11 Bible Online

TANGKHITBÜ 11 - Chang Naga bible

TANGKHITBÜ 11

¹Kheijinei kü la jutak tegübü phodong che kukei, hoba kü to lenkei, “Loenashi hoba Mühghaü lembüchem hoba lemshon takashi, hoba khonei lembü shuong weashi.

²Lembüchem khong chemso kho apyoashi; kho tetak, aishanga ho Küksithang la kuan apa, hoba hoei lit saonyito nyi saopobü sangnyu kho youei nakeilabü.

³Ngei ngeibü aukabü nyi la hau kulabü. Haosiei neikek neilabü hoba chalou hajar che, saoanto saosem tetenlabü.”

⁴Khübü kho kaodak Bunyubou thedanga lobü oliv bunyu nyi hoba wanthung nyi ki.

⁵Atei haosi khonsaktimang sühalonga haosieibü haken ka wan longan haosieibü dangbou shemtida; haosi khonsaktimang sühbü dan kho tegü haitijan.

⁶Haosiei tetenjinei lang aloutiko mühkou khinan apla shanga haosi to sei ki. Tokei ladüngnei dei ka sii la yeitimang sühda, hoba kaodak to limsilang phang wekoei ngümmang sühda khüjochenei kümla haosi la sei kuakei.

⁷Lausikei ladang haosiei aukabü kukhümlaje, meisiau laobou thonshang akibü püngkhün ka longda haoei haosi to wapyolabü, haosi thüklabü hoba haosi haitilabü.

⁸Haosieibü haibü mang kho Sodom ayingsi Ijep dogo ngühtet leko nyenbü sangnyu, laonei haoenei Bunyubou peiseia thüngkei, kho sangnyu yaangbü khongthua peitetnyu pholabü.

⁹Hobaje mütli shuong, phangna shuong, ngüh- yem shuong hoba phangshuong ka mütshuongei chalou sem tho sühko haosieibü haibü mang to chühlabü; haoenei haosieibü haibü mang kho heea akhüntilabü.

¹⁰Kaodaka kibü shuongei haosi shanga olinlabü hoba cheei che la jongsak kuyoko olinyolabü, aishanga khübü thuseibü nyi khoei kaodaka kibü khonkutikei.

¹¹Hobaje chalou sem tho phaia haosi to Mühghaü ka langkei hak atkei, hoba haosi jembü youei loenkei. Haosi hapbü shuong aeibou hatkei.

¹²Kheijinei thuseibü nyi khoei ngüh yaangbüei khuthük ka haosi to lauko ditkei, “Hato kaiyang”; hoba haosi sangmei chenei khuthük to angkei, hoba haosieibü dangbou shuongei haosi hapbei.

¹³Kho jihsiphaia selo yaang nyikei, hoba sangnyu phejan an ka che lusakkei hoba selo nyibüei hajar nyet shembei. Joubü shuong khoei hatenan Mühghaü la nyensang kukei.

¹⁴Nyiboubü khonku dana; semboubü khonku tongde louada.

¹⁵Kheijinei khuthük hangangbü nyetboubüei haoeibü teklaang metkei; hoba khuthük ka ngüh yaangbang hai lauko longkei: “Kaonyudaka sangle shuong tou seneibü Bunyubou hoba haoeibü Khristaeibü ki, hoba haoei pon- pen thon akiko songdaklabü.”

¹⁶Kheijinei Mühghaü junga haoen lulueibü Choba setshanga setbü jaishou shuong saotolei khoei haoen lolo khüpetkei hoba Mühghaü lembo

¹⁷laukei, “O Mühghaü Thükenbou, hoba tou kibü Bunyubou, künei no sangda aieilausi nyi kaibü sei yaangbü sunga, hoba songdakla khanga.

¹⁸Phangshuong danei khauangkei lausikei kaibü maangshat loua. Haibü shuong mat jemlabü, hoba no khangenbü thuseibü shuong si ka mütshuong hoba ka nyen to hatbü shuong hanbü yaangbü pendou la jongsak kulabü jih hoba kaodak shemtibü dan shemtilabü jihsiphai lousüha.”

¹⁹Hobaje khuthüka Mühghaü lembüchem kho ipbei, hoba haoeibü lembüchema haoeibü ngühkhüm busen kho hapbei, hoba khonei langpon, ngüh, langmak, selo nyibü hoba yeilang sen kikei.