Read Chichewa Buku Lopatulika Bible 2014 1 MBIRI 11 Bible Online

1 MBIRI 11 - Chichewa Buku Lopatulika Bible 2014 bible

1 MBIRI 11

¹Pamenepo Aisraele onse anasonkhana kwa Davide ku Hebroni, ndi kuti, Taonani, ife ndife fupa lanu, ndi mnofu wanu.

²Ngakhale kale lomwe, pokhala mfumu Sauloyo, wotuluka ndi kulowa nao Aisraele ndinu; ndipo Yehova Mulungu wanu anati kwa inu, Uzidyetsa anthu anga Aisraele, nukhale mtsogoleri wa anthu anga Israele.

³Akulu onse omwe a Israele anadza kwa mfumu ku Hebroni; ndipo Davide anapangana nao pangano ku Hebroni pamaso pa Yehova; ndipo anamdzoza Davide akhale mfumu ya Israele monga mwa mau a Yehova, ndi dzanja la Samuele.

⁴Namuka Davide ndi Aisraele onse naye ku Yerusalemu, ndiwo Yebusi; ndipo Ayebusi nzika za m'dziko zinali komweko.

⁵Ndipo nzika za m'Yebusi zinati kwa Davide, Sungalowe muno. Koma Davide analanda linga la Ziyoni, ndiwo mudzi wa Davide.

⁶Nati Davide, Aliyense woyamba kukantha Ayebusi, yemweyo adzakhala mkulu ndi mtsogoleri. Nayamba kukwerako Yowabu mwana wa Zeruya, nakhala mkulu iyeyu.

⁷Ndipo Davide anakhala m'lingamo; chifukwa chake analitcha mudzi wa Davide.

⁸Ndipo anamanga mudzi pozungulira pake, kuyambira ku Milo ndi pozungulira pake; ndi Yowabu anakonzanso potsala pa mudzi.

⁹Ndipo Davide anakulakulabe, pakuti Yehova wa makamu anali naye.

¹⁰Akulu a amphamvu aja Davide anali nao akulimbika pamodzi naye m'ufumu wake, pamodzi ndi Aisraele onse, kumlonga ufumu, monga mwa mau a Yehova akunena za Israele, ndi awa.

¹¹Kuwerenga kwa amphamvu aja Davide anali nao ndi uku: Yasobeamu mwana wa Muhakimoni, mkulu wa makumi atatu aja, anasamulira mazana atatu mkondo wake, nawapha nthawi imodzi.

¹²Ndi pambuyo pake Eleazara mwana wa Dodo Mwahohi, ndiye mmodzi wa atatu aja amphamvu.

¹³Anali pamodzi ndi Davide ku Pasidamimu muja; Afilisti anasonkhanako kunkhondo kumene kunali munda wodzala ndi barele; ndipo anthu anathawa pamaso pa Afilisti.

¹⁴Koma anadziimika pakati pa munda, naulanditsa, nakantha Afilisti; m'mwemo anawapulumutsa Yehova ndi chipulumutso chachikulu.

¹⁵Ndipo atatu a akulu makumi atatu anatsikira kuthanthwe kwa Davide, ku phanga la Adulamu; ndi nkhondo ya Afilisti idamanga misasa m'chigwa cha Refaimu.

¹⁶Pamenepo Davide anali m'linga, ndi boma la asilikali a Afilisti linali ku Betelehemu.

¹⁷Ndipo Davide analakalaka, nati, Ha? Mwenzi wina atandimwetsa madzi a m'chitsime cha ku Betelehemu chili kuchipata.

¹⁸Napyola atatuwo misasa ya Afilisti natunga madzi ku chitsime cha ku Betelehemu chili kuchipata, nabwera nao kwa Davide; koma Davide anakana kumwako, koma anawathirira kwa Yehova;

¹⁹nati, Pali Mulungu wanga, kukhale kutali kwa ine kuchita ichi. Ngati ndidzamwa mwazi wa anthu awa? Akadataya moyo wao, inde akadataya moyo wao, pakukatenga madziwa. M'mwemo sanafune kuwamwa. Izi anazichita atatu amphamvuwa.

²⁰Ndipo Abisai mbale wa Yowabu, ndiye wamkulu wa atatuwa; pakuti anasamulira mazana atatu mkondo wake, nawapha, namveka dzina pakati pa atatuwa.

²¹Mwa atatuwa iye anali waulemu woposa awiriwa, nasanduka mkulu wao; koma sanafike pa atatu oyamba aja.

²²Benaya mwana wa Yehoyada, mwana wa ngwazi ya ku Kabizeeli, wochita zachikulu, anapha ana awiri a Ariyele wa ku Mowabu; anatsikanso, napha mkango m'kati mwa dzenje nyengo ya chipale chofewa.

²³Anaphanso Mwejipito munthu wamkulu, msinkhu wake mikono isanu, ndi m'dzanja la Mwejipito munali mkondo ngati mtanda woombera nsalu; ndipo anamtsikira ndi ndodo, nakwatula mkondo m'dzanja la Mwejipito, namupha ndi mkondo wake womwe.

²⁴Izi anazichita Benaya mwana wa Yehoyada, namveka dzina mwa atatu amphamvuwo.

²⁵Taonani, anali wa ulemu woposa makumi atatuwo, koma sanafike pa atatu oyamba aja; ndipo Davide anamuika mkulu wa olindirira ake.

²⁶Ndipo amphamvuwo a magulu a nkhondo ndiwo Asahele mbale wa Yowabu, Elihanani mwana wa Dodo wa ku Betelehemu,

²⁷Samoti Muharodi, Helezi Mpeloni,

²⁸Ira mwana wa Ikesi wa ku Tekowa, Abiyezere wa ku Anatoti,

²⁹Sibekai Muhusa, Ilai Mwahohi,

³⁰Maharai Mnetofa, Heledi mwana wa Baana Mnetofa,

³¹Itai mwana wa Ribai wa Gibea wa ana a Benjamini, Benaya Mpiratoni,

³²Hurai wa ku mitsinje ya Gaasi, Abiyele Mwarabati,

³³Azimaveti Mbaharumi, Eliyaba Msaaliboni;

³⁴ana a Hasemu Mgizoni; Yonatani mwana wa Sage Muharari,

³⁵Ahiyamu mwana wa Sakara Muharari, Elifala mwana wa Uri,

³⁶Hefere Mmekerati, Ahiya Mpeloni,

³⁷Heziro wa ku Karimele, Naarai mwana wa Ezibai,

³⁸Yowele mbale wa Natani, Mibara mwana wa Hagiri,

³⁹Zeleki Mwamoni, Naharai Mbeeroti wonyamula zida za Yowabu mwana wa Zeruya,

⁴⁰Ira Mwitiri, Garebu Mwitiri,

⁴¹Uriya Muhiti, Zabadi mwana wa Alai,

⁴²Adina mwana wa Siza Mrubeni mkulu wa Arubeni, ndi makumi atatu pamodzi naye,

⁴³Hanani mwana wa Maaka, ndi Yosafati Mmitini,

⁴⁴Uziya Mwasiterati, Sama ndi Yeiyele ana a Hotamu wa ku Aroere,

⁴⁵Yediyaele mwana wa Simiri, ndi Yoha mbale wake Mtizi,

⁴⁶Eliyele Mmahavi, ndi Yeribai ndi Yosaviya ana a Elinaamu, ndi Itima Mmowabu,

⁴⁷Eliyele, ndi Obedi, ndi Yaasiyele Mmezobai.