Read Chichewa Buku Lopatulika Bible 2014 1 MBIRI 7 Bible Online

1 MBIRI 7 - Chichewa Buku Lopatulika Bible 2014 bible

1 MBIRI 7

¹Ana a Isakara ndiwo Tola, ndi Puwa, Yasubu ndi Simironi; anai.

²Ndi ana a Tola: Uzi, ndi Refaya, ndi Yeriyele, ndi Yamai, ndi Ibisamu, ndi Semuele, akulu a nyumba za makolo; ao ndiwo a Tola, ngwazi zamphamvu, m'mibadwo yao; kuwerenga kwao, masiku a Davide ndiko zikwi makumi awiri mphambu ziwiri kudza mazana asanu ndi limodzi.

³Ndi mwana wa Uzi: Izrahiya; ndi ana a Izrahiya: Mikaele, ndi Obadiya, ndi Yowele, ndi Isiya; onse asanuwa ndiwo akulu.

⁴Ndi pamodzi nao mwa mibadwo yao, mwa nyumba za makolo ao, panali magulu a nkhondo zikwi makumi atatu mphambu zisanu ndi chimodzi, popeza anachuluka akazi ao ndi ana ao.

⁵Ndi abale ao mwa mabanja onse a Isakara, ngwazi zamphamvu, oyesedwa mwa chibadwidwe chao, onsewa ndiwo zikwi zisanu ndi zitatu mphambu zisanu ndi ziwiri.

⁶Ana a Benjamini ndiwo Bela, ndi Bekere, ndi Yediyaele, atatu.

⁷Ndi ana a Bela: Eziboni, ndi Uzi, ndi Uziyele, ndi Yerimoti, ndi Iri, asanu; akulu a nyumba za makolo ao, ngwazi zamphamvu, owerengedwa m'mabuku a chibadwidwe zikwi makumi awiri mphambu ziwiri kudza makumi atatu ndi anai.

⁸Ndi ana a Bekere: Zimira, ndi Yowasi, ndi Eliyezere, ndi Eliyoenai, ndi Omuri, ndi Yeremoti, ndi Abiya, ndi Anatoti, ndi Alemeti. Onsewa ndiwo ana a Bekere.

⁹Ndipo anayesedwa mwa chibadwidwe chao, mwa mibadwo yao, akulu a nyumba za makolo ao, ngwazi zamphamvu zikwi makumi awiri mphambu mazana awiri.

¹⁰Ndi mwana wa Yediyaele: Bilihani; ndi ana a Bilihani: Yeusi, ndi Benjamini, ndi Ehudi, ndi Kenana, ndi Zetani, ndi Tarisisi, ndi Ahisahara.

¹¹Onsewa ndiwo ana a Yediyaele; ndiwo akulu a nyumba za makolo ao, ngwazi zamphamvu zikwi khumi mphambu zisanu ndi ziwiri kudza mazana awiri akutuluka kugulu kunkhondo.

¹²Supimu yemwe ndi Hupimu ana a Iri, ndi Husimu mwana wa Aheri.

¹³Ana a Nafutali: Yaziyele, ndi Guni, ndi Yezere, ndi Salumu, ana a Biliha.

¹⁴Ana a Manase ndiwo Asiriele amene mkazi wake anambala. Koma mkazi wake wamng'ono Mwaramu anabala Makiri atate wa Giliyadi;

¹⁵ndi Makiri anadzitengera mkazi, mlongo wake wa Hupimu ndi Supimu, dzina lake ndiye Maaka. Ndipo dzina la mwana wachiwiri wa Manase ndiye Zelofehadi. Ndi Zelofehadi anali ndi ana akazi.

¹⁶Ndi Maaka mkazi wa Makiri anabala mwana, namutcha dzina lake Peresi, ndi dzina la mbale wake ndiye Seresi, ndi ana ake ndiwo Ulamu, ndi Rakemu.

¹⁷Ndi mwana wa Ulamu: Bedani; ndiwo ana a Giliyadi mwana wa Makiri mwana wa Manase.

¹⁸Ndi mlongo wake Hamoleketi anabala Isihodi, ndi Abiyezere, ndi Mala.

¹⁹Ndi ana a Semida ndiwo Ahiyani, ndi Sekemu, ndi Liki, ndi Aniyamu.

²⁰Ndi ana a Efuremu: Sutela, ndi Beredi mwana wake, ndi Tahati mwana wake, ndi Eleada mwana wake, ndi Tahati mwana wake,

²¹ndi Zabadi mwana wake, ndi Sutela mwana wake, ndi Ezere, ndi Eleadi, amene anthu a Gati obadwa m'dziko anamupha, popeza anatsikira kukalanda zoweta zao.

²²Ndipo Efuremu atate wao, anachita maliro masiku ambiri, ndi abale ake anadza kudzamtonthoza mtima.

²³Ndipo analowa kwa mkazi wake, naima iye, nabala mwana, namutcha dzina lake Beriya, popeza m'nyumba mwake mudaipa.

²⁴Ndipo mwana wake wamkazi ndiye Seera, amene anamanga Betehoroni wa kunsi, ndi Betehoroni wa kumtunda, ndi Uzeniseera.

²⁵Ndipo Refa anali mwana wake, ndi Resefi, ndi Tela mwana wake, ndi Tahani mwana wake,

²⁶Ladani mwana wake, Amihudi mwana wake, Elisama mwana wake,

²⁷Nuni mwana wake, Yoswa mwana wake.

²⁸Ndipo dziko lao, ndi pokhala pao ndizo Betele ndi milaga yake, ndi kum'mawa Naarani, ndi kumadzulo Gezere ndi milaga yake, ndi Sekemu ndi milaga yake, mpaka Aya ndi milaga yake;

²⁹ndi kumalire a ana a Manase; Beteseani ndi milaga yake, Taanaki ndi milaga yake, Megido ndi milaga yake, Dori ndi milaga yake. M'menemo anakhala ana a Yosefe mwana wa Israele.

³⁰Ana a Asere: Imina, ndi Isiva, ndi Isivi, ndi Beriya, ndi Sera mlongo wao.

³¹Ndi ana a Beriya: Hebere, ndi Malikiele, ndiye atate wa Birizaiti.

³²Ndi Hebere anabala Yafileti, ndi Somere, ndi Hotamu, ndi Suwa mlongo wao.

³³Ndi ana a Yafileti: Pasaki, ndi Bimala, ndi Asivati. Awa ndi ana a Yafileti.

³⁴Ndi ana a Semeri: Ahi, ndi Roga, Yehuba, ndi Aramu.

³⁵Ndi ana a Helemu mbale wake: Zofa, ndi Imina, ndi Selesi, ndi Amala.

³⁶Ana a Zofa: Suwa, ndi Harenefere, ndi Suwala, ndi Beri, ndi Imira,

³⁷Bezere, ndi Hodi, ndi Sama, ndi Silisa, ndi Itirani, ndi Beera.

³⁸Ndi ana a Yetere: Yefune, ndi Pisipa, ndi Ara.

³⁹Ndi ana a Ula: Ara, ndi Haniyele, ndi Riziya.

⁴⁰Awa onse ndiwo ana a Asere, akulu a nyumba za makolo ao, ngwazi zosankhika ndi zamphamvu, akulu mwa akalonga. Oyesedwa mwa chibadwidwe chao otumikira kunkhondo ndiwo amuna zikwi makumi awiri mphambu zisanu ndi chimodzi.