Read Chichewa Buku Lopatulika Bible 2014 NEHEMIYA 7 Bible Online

NEHEMIYA 7 - Chichewa Buku Lopatulika Bible 2014 bible

NEHEMIYA 7

¹Ndipo atatha kumanga linga, ndinaika zitseko, nakhazika odikira, ndi oimbira, ndi Alevi;

²ndipo ndinawapatsa mbale wanga Hanani, ndi Hananiya kazembe wa kuboma, ulamuliro wa pa Yerusalemu; popeza ndiye munthu wokhulupirika, naposa ambiri pakuopa Mulungu.

³Ndinanenanso nao, Asatsegule pa zipata za Yerusalemu lisanafunde dzuwa; ndi poimirira odikira atseke pazipata, nimuzipiringidze, nimuike alonda mwa iwo okhala m'Yerusalemu, yense polindirira pake, yense pandunji pa nyumba yake.

⁴Mudziwo tsono ndi wachitando, ndi waukulu; koma anthu anali m'mwemo ngowerengeka, nyumba zomwe sizinamangike.

⁵Ndipo Mulungu wanga anaika m'mtima mwanga kuti ndiwasonkhanitse aufulu, ndi olamulira, ndi anthu, kuti awerengedwe mwa chibadwidwe chao. Ndipo ndinapeza buku la chibadwidwe la iwo adakwerako poyamba paja; ndinapeza mudalembedwa m'mwemo.

⁶Ana a dziko amene anakwera kuchokera kundende a iwo adatengedwa ndende, amene Nebukadinezara mfumu ya Babiloni adawatenga, anabwera ku Yerusalemu ndi ku Yuda, yense kumudzi wake, ndi awa:

⁷ndiwo amene anadza ndi Zerubabele: Yesuwa, Nehemiya, Azariya, Raamiya, Nahamani, Mordekai, Bilisani, Misipereti, Bigivai, Nehumu, Baana. Mawerengedwe a amuna a anthu Aisraele ndiwo:

⁸ana a Parosi zikwi ziwiri mphambu zana limodzi kudza makumi asanu ndi awiri.

⁹Ana a Sefatiya, mazana atatu mphambu makumi asanu ndi awiri kudza awiri.

¹⁰Ana a Ara, mazana asanu ndi limodzi mphambu makumi asanu kudza awiri.

¹¹Ana a Pahatimowabu, a ana a Yesuwa ndi Yowabu, zikwi ziwiri mphambu mazana asanu ndi atatu kudza khumi limodzi ndi asanu ndi atatu.

¹²Ana a Elamu, chikwi chimodzi mphambu mazana awiri ndi makumi asanu kudza anai.

¹³Ana a Zatu, mazana asanu ndi atatu mphambu makumi anai kudza asanu.

¹⁴Ana a Zakai, mazana asanu ndi awiri mphambu makumi asanu ndi limodzi.

¹⁵Ana a Binuyi, mazana asanu ndi limodzi mphambu makumi anai kudza asanu ndi atatu.

¹⁶Ana a Bebai, mazana asanu ndi limodzi mphambu makumi awiri kudza asanu ndi atatu.

¹⁷Ana a Azigadi, zikwi ziwiri mphambu mazana atatu kudza makumi awiri ndi awiri.

¹⁸Ana a Adonikamu, mazana asanu ndi limodzi mphambu makumi asanu ndi limodzi, kudza asanu ndi awiri.

¹⁹Ana a Bigivai, zikwi ziwiri mphambu makumi asanu ndi limodzi kudza asanu ndi awiri.

²⁰Ana a Adini, mazana asanu ndi limodzi mphambu makumi asanu kudza asanu.

²¹Ana a Atere, a Hezekiya, makumi asanu ndi anai kudza asanu ndi atatu.

²²Ana a Hasumu, mazana atatu mphambu makumi awiri kudza asanu ndi atatu.

²³Ana a Bezai, mazana atatu mphambu makumi awiri kudza anai.

²⁴Ana a Harifi, zana limodzi mphambu khumi ndi awiri.

²⁵Ana a Gibiyoni, makumi asanu ndi anai kudza asanu.

²⁶Amuna a ku Betelehemu ndi ku Netofa, zana limodzi mphambu makumi asanu ndi atatu kudza asanu ndi atatu.

²⁷Amuna a ku Anatoti, zana limodzi mphambu makumi awiri kudza asanu ndi atatu.

²⁸Amuna a ku Betazimaveti, makumi anai kudza awiri.

²⁹Amuna a ku Kiriyati-Yearimu, Kefira, ndi Beeroti, mazana asanu ndi awiri mphambu makumi anai kudza atatu.

³⁰Amuna a ku Rama ndi Geba, mazana asanu ndi limodzi mphambu makumi awiri kudza mmodzi.

³¹Amuna a ku Mikimasi, zana limodzi mphambu makumi awiri kudza awiri.

³²Amuna a ku Betele ndi Ai, zana limodzi mphambu makumi awiri kudza atatu.

³³Amuna a ku Nebo winayo, makumi asanu kudza awiri.

³⁴Ana a Elamu winayo, chikwi chimodzi mphambu mazana awiri ndi makumi asanu kudza anai.

³⁵Ana a Harimu, mazana atatu mphambu makumi awiri.

³⁶Ana a Yeriko, mazana atatu mphambu makumi anai kudza asanu.

³⁷Ana a Lodi, Hadidi, ndi Ono, mazana asanu ndi awiri mphambu makumi awiri kudza mmodzi.

³⁸Ana a Senaa, zikwi zitatu mphambu mazana asanu ndi anai kudza makumi atatu.

³⁹Ansembe: ana a Yedaya, a nyumba ya Yesuwa, mazana asanu ndi anai mphambu makumi asanu ndi awiri kudza atatu.

⁴⁰Ana a Imeri, chikwi chimodzi mphambu makumi asanu kudza awiri.

⁴¹Ana a Pasuri, chikwi chimodzi mphambu mazana awiri kudza makumi anai ndi asanu ndi awiri.

⁴²Ana a Harimu, chikwi chimodzi mphambu khumi limodzi kudza asanu ndi awiri.

⁴³A Levi: ana a Yesuwa, a Kadimiyele, a ana a Hodeva, makumi asanu ndi awiri kudza anai.

⁴⁴Oimbira: ana a Asafu, zana limodzi mphambu makumi anai kudza asanu ndi atatu.

⁴⁵Odikira: ana a Salumu, ana a Atere, ana a Talimoni, ana a Akubu, ana a Hatita, ana a Sobai, zana limodzi mphambu makumi atatu kudza asanu ndi atatu.

⁴⁶Anetini: ana a Ziha, ana a Hasufa, ana a Tabaoti,

⁴⁷ana a Kerosi, ana a Siya, ana a Padoni,

⁴⁸ana a Lebana, ana a Hagaba, ana a Salimai,

⁴⁹ana a Hanani, ana a Gidele, ana a Gahara,

⁵⁰ana a Reaya, ana a Rezini, ana a Nekoda,

⁵¹ana a Gazamu, ana a Uza, ana a Paseya,

⁵²ana a Besai, ana a Meunimu, ana a Nefusesimu,

⁵³ana a Bakibuki, ana a Hakufa, ana a Harihuri,

⁵⁴ana a Baziliti, ana a Mehida, ana a Harisa,

⁵⁵ana a Barikosi, ana a Sisera, ana a Tema,

⁵⁶ana a Neziya, ana a Hatifa.

⁵⁷Ana a akapolo a Solomoni: ana a Sotai, ana a Sofereti, ana a Perida,

⁵⁸ana a Yaala, ana a Darikoni, ana a Gidele,

⁵⁹ana a Sefatiya, ana a Hatili, ana a Pokereti-Hazebaimu, ana a Amoni.

⁶⁰Anetini onse, ndi ana a akapolo a Solomoni, ndiwo mazana atatu mphambu makumi asanu ndi anai kudza awiri.

⁶¹Ndipo okwera kuchokera ku Telemela, Teleharisa, Kerubi, Adoni, ndi Imeri, ndi awa; koma sanakhoze kutchula nyumba za makolo ao, kapena mbumba zao, ngati ali a Israele;

⁶²ana a Delaya, ana a Tobiya, ana a Nekoda, mazana asanu ndi limodzi mphambu makumi anai kudza awiri.

⁶³Ndi a ansembe: ana a Hobaya, ana a Hakozi, ana a Barizilai, amene anadzitengera mkazi wa ana akazi a Barizilai Mgiliyadi, natchedwa ndi dzina lao.

⁶⁴Awa anafunafuna maina ao m'buku la iwo owerengedwa mwa chibadwidwe, koma osawapeza; potero anawayesa odetsedwa, nawachotsa kuntchito ya nsembe.

⁶⁵Ndipo kazembe anawauza kuti asadyeko zopatulika kwambiri, mpaka wauka wansembe wokhala ndi Urimu ndi Tumimu.

⁶⁶Msonkhano wonse pamodzi ndiwo zikwi makumi anai ndi ziwiri mphambu mazana atatu kudza makumi asanu ndi limodzi,

⁶⁷osawerenga akapolo ao aamuna ndi aakazi, ndiwo zikwi zisanu ndi ziwiri mphambu mazana atatu ndi makumi atatu kudza asanu ndi awiri; ndipo anakhala nao aamuna ndi aakazi oimbira mazana awiri mphambu makumi anai kudza asanu ndi mmodzi.

⁶⁸Akavalo ao ndiwo mazana asanu ndi awiri mphambu makumi atatu kudza asanu ndi mmodzi; nyuru zao mazana awiri mphambu makumi anai kudza zisanu;

⁶⁹ngamira zao mazana anai mphambu makumi atatu kudza asanu; abulu ao zikwi zisanu ndi chimodzi mphambu mazana asanu ndi awiri kudza makumi awiri.

⁷⁰Ndipo ena a akulu a nyumba za makolo anapereka kuntchito. Kazembeyo anapereka kuchuma madariki agolide chikwi chimodzi, mbale zowazira makumi asanu, malaya a ansembe makumi atatu.

⁷¹Enanso a akulu a nyumba za makolo anapereka kuchuma cha ntchitoyi, madariki agolide zikwi makumi awiri, ndi miyeso ya mina ya siliva zikwi ziwiri mphambu mazana awiri.

⁷²Zopereka za anthu otsala ndizo madariki agolide zikwi makumi awiri, ndi miyeso ya mina ya siliva zikwi ziwiri, ndi malaya a ansembe makumi asanu ndi limodzi mphambu asanu ndi awiri.

⁷³Nakhala m'midzi mwao ansembe, ndi Alevi, ndi odikira, ndi oimbira, ndi anthu ena, ndi Anetini, ndi Aisraele onse. Utakhala tsono mwezi wachisanu ndi chiwiri ana a Israele anakhala m'midzi mwao.