Read Chichewa Buku Lopatulika Bible 2014 YOBU 17 Bible Online

YOBU 17 - Chichewa Buku Lopatulika Bible 2014 bible

YOBU 17

¹Mzimu wanga watha, masiku anga afafanizika, kumanda kwandikonzekeratu.

²Zoonadi, ali nane ondiseka; ndi diso langa lili chipenyere m'kundiwindula kwao.

³Mupatse chigwiriro tsono, mundikhalire chikole Inu nokha kwanu; ndani adzapangana nane kundilipirira?

⁴Pakuti mwabisira mtima wao nzeru; chifukwa chake simudzawakuza.

⁵Iye wakupereka mabwenzi ake ku ukapolo, m'maso mwa ana ake mudzada.

⁶Anandiyesanso nthanthi za anthu; ndipo ndakhala ngati munthu womthira malovu pankhope pake.

⁷M'diso mwanga muchita chizirezire chifukwa cha chisoni, ndi ziwalo zanga zonse zilibe chithunzi.

⁸Anthu oongoka mtima adzadabwa nacho, ndi munthu wosalakwa adzadziutsa kumtsutsa wonyoza Mulunguyo.

⁹Koma wolungama asungitsa njira yake, ndi iye wa manja oyera adzakulabe mumphamvu.

¹⁰Koma bwerani inu nonse, idzani tsono; pakuti sindipeza mwa inu wanzeru.

¹¹Masiku anga apitirira, zolingirira zanga zaduka, zakezake zomwe za mtima wanga.

¹²Zisanduliza usiku ukhale usana; kuunika kuyandikana ndi mdima.

¹³Ndikayembekezera kumanda kukhale nyumba yanga; ndikayala pogona panga mumdima.

¹⁴Ndikati kwa dzenje, Ndiwe atate wanga; kwa mphutsi, Ndiwe mai wanga ndi mlongo wanga;

¹⁵chilikuti chiyembekezo changa? Inde, chiyembekezo changa adzachiona ndani?

¹⁶Chidzatsikira kumipingiridzo ya kumanda, pamene tipumulira pamodzi kufumbi.