Read Chichewa Buku Lopatulika Bible 2014 YOBU 26 Bible Online

YOBU 26 - Chichewa Buku Lopatulika Bible 2014 bible

YOBU 26

¹Koma Yobu anayankha, nati,

²Wamthandiza bwanji wopanda mphamvu. Kulipulumutsa dzanja losalimba!

³Wampangira bwanji wopanda nzeruyu! Ndi kudziwitsa nzeru zenizeni mochuluka!

⁴Wafotokozera yani mau? Ndi mzimu wa yani unatuluka mwa iwe?

⁵Adafawo anjenjemera pansi pa madzi ndi zokhalamo.

⁶Kumanda kuli padagu pamaso pake, ndi kuchionongeko kusowa chophimbako.

⁷Ayala kumpoto popanda kanthu, nalenjeka dziko pachabe.

⁸Amanga madzi m'mitambo yake yochindikira; ndi mtambo sung'ambika pansi pake.

⁹Atchingira pa mpando wake wachifumu, nayalapo mtambo wake.

¹⁰Analembera madziwo malire, mpaka polekeza kuunika ndi mdima.

¹¹Mizati ya thambo injenjemera, ndi kudabwa pa kudzudzula kwake.

¹²Mwa mphamvu yake agwetsa nyanja bata; ndipo mwa luntha lake akantha kudzikuza kwake.

¹³Mwa mzimu wake anyezimiritsa thambo; dzanja lake linapyoza njoka yothawayo.

¹⁴Taonani, awa ndi malekezero a njira zake; ndi chimene tikumva za Iye ndi chinong'onezo chaching'ono; koma kugunda kwa mphamvu yake akudzindikiritsa ndani?