Read Chichewa Buku Lopatulika Bible 2014 MASALIMO 116 Bible Online

MASALIMO 116 - Chichewa Buku Lopatulika Bible 2014 bible

MASALIMO 116

¹Ndimkonda, popeza Yehova amamva mau anga ndi kupemba kwanga.

²Popeza amanditcherera khutu lake, chifukwa chake ndidzaitanira Iye masiku anga onse.

³Zingwe za imfa zinandizinga, ndi zowawa za manda zinandigwira: ndinapeza nsautso ndi chisoni.

⁴Pamenepo ndinaitana dzina la Yehova; ndikuti, Yehova ndikupemphani landitsani moyo wanga.

⁵Yehova ngwa chifundo ndi wolungama; ndi Mulungu wathu ngwa nsoni.

⁶Yehova asunga opusa; ndidafooka ine, koma anandipulumutsa.

⁷Ubwere moyo wanga ku mpumulo wako; pakuti Yehova anakuchitira chokoma.

⁸Pakuti munalanditsa moyo wanga kuimfa, maso anga kumisozi, mapazi anga, ndingagwe.

⁹Ndidzayenda pamaso pa Yehova m'dziko la amoyo.

¹⁰Ndinakhulupirira, chifukwa chake ndinalankhula; ndinazunzika kwambiri.

¹¹Pofulumizidwa mtima ndinati ine, anthu onse nga mabodza.

¹²Ndidzabwezera Yehova chiyani chifukwa cha zokoma zake zonse anandichitira?

¹³Ndidzanyamula chikho cha chipulumutso, ndipo ndidzaitanira dzina la Yehova.

¹⁴Ndidzachita zowinda zanga za kwa Yehova, tsopano, pamaso pa anthu ake onse.

¹⁵Imfa ya okondedwa ake nja mtengo wake pamaso pa Yehova.

¹⁶Ndiloleni, Yehova, indetu ndine mtumiki wanu; ndine mtumiki wanu, mwana wa mdzakazi wanu; mwandimasulira zondimanga.

¹⁷Ndidzapereka kwa Inu nsembe yachiyamiko, ndipo ndidzaitanira dzina la Yehova.

¹⁸Ndidzachita zowinda zanga za kwa Yehova, tsopano, pamaso pa anthu ake onse.

¹⁹M'mabwalo a nyumba ya Yehova, pakati pa inu, Yerusalemu. Aleluya.