Read Chichewa Buku Lopatulika Bible 2014 MASALIMO 122 Bible Online

MASALIMO 122 - Chichewa Buku Lopatulika Bible 2014 bible

MASALIMO 122

¹Nyimbo yokwerera; ya Davide. Ndinakondwera m'mene ananena nane, Tiyeni kunyumba ya Yehova.

²Mapazi athu alinkuima m'zipata zanu, Yerusalemu

³Yerusalemu anamangidwa ngati mudzi woundana bwino:

⁴Kumene akwerako mafuko, ndiwo mafuko a Yehova; akhale mboni ya kwa Israele, Ayamike dzina la Yehova.

⁵Pakuti pamenepo anaika mipando ya chiweruzo, mipando ya nyumba ya Davide.

⁶Mupempherere mtendere wa Yerusalemu; akukonda inu adzaona phindu.

⁷M'linga mwako mukhale mtendere, m'nyumba za mafumu mukhale phindu.

⁸Chifukwa cha abale anga ndi mabwenzi anga, ndidzanena tsopano, Mukhale mtendere mwa inu.

⁹Chifukwa cha nyumba ya Yehova Mulungu wathu ndidzakufunira zokoma.