Read Chichewa Buku Lopatulika Bible 2014 MASALIMO 136 Bible Online

MASALIMO 136 - Chichewa Buku Lopatulika Bible 2014 bible

MASALIMO 136

¹Yamikani Yehova pakuti ndiye wabwino; pakuti chifundo chake nchosatha.

²Yamikani Mulungu wa milungu; pakuti chifundo chake nchosatha.

³Yamikani Mbuye wa ambuye; pakuti chifundo chake nchosatha.

⁴Amene yekha achita zodabwitsa zazikulu; pakuti chifundo chake nchosatha.

⁵Amene analenga zakumwamba mwanzeru; pakuti chifundo chake nchosatha.

⁶Amene anayala dziko lapansi pamwamba pa madzi; pakuti chifundo chake nchosatha.

⁷Amene analenga miuni yaikulu; pakuti chifundo chake nchosatha.

⁸Dzuwa liweruze usana; pakuti chifundo chake nchosatha.

⁹Mwezi ndi nyenyezi ziweruze usiku; pakuti chifundo chake nchosatha.

¹⁰Iye amene anapandira Aejipito ana ao oyamba; pakuti chifundo chake nchosatha.

¹¹Natulutsa Israele pakati pao; pakuti chifundo chake nchosatha.

¹²Ndi dzanja lamphamvu, ndi mkono wotambasuka; pakuti chifundo chake nchosatha.

¹³Amene anagawa magawo Nyanja Yofiira; pakuti chifundo chake nchosatha.

¹⁴Napititsa Israele pakati pake; pakuti chifundo chake nchosatha.

¹⁵Nakhuthula Farao ndi khamu lake m'Nyanja Yofiira: pakuti chifundo chake nchosatha.

¹⁶Amene anatsogolera anthu ake m'chipululu; pakuti chifundo chake nchosatha.

¹⁷Amene anapanda mafumu akulu; pakuti chifundo chake nchosatha.

¹⁸Ndipo anawapha mafumu omveka; pakuti chifundo chake nchosatha.

¹⁹Sihoni mfumu ya Aamori; pakuti chifundo chake nchosatha.

²⁰Ndi Ogi mfumu ya Basani; pakuti chifundo chake nchosatha.

²¹Ndipo anapereka dziko lao likhale chosiyira; pakuti chifundo chake nchosatha.

²²Chosiyira cha kwa Israele mtumiki wake; pakuti chifundo chake nchosatha.

²³Amene anatikumbukira popepuka ife; pakuti chifundo chake nchosatha.

²⁴Natikwatula kwa otisautsa; pakuti chifundo chake nchosatha.

²⁵Ndiye wakupatsa nyama zonse chakudya; pakuti chifundo chake nchosatha.

²⁶Yamikani Mulungu wa kumwamba; pakuti chifundo chake nchosatha.