Read Chichewa Buku Lopatulika Bible 2014 MASALIMO 140 Bible Online

MASALIMO 140 - Chichewa Buku Lopatulika Bible 2014 bible

MASALIMO 140

¹Kwa Mkulu wa Nyimbo; Salimo la Davide. Ndilanditseni, Yehova, kwa munthu woipa; ndisungeni kwa munthu wachiwawa;

²amene adzipanga zoipa mumtima mwao; masiku onse amemeza nkhondo.

³Anola lilime lao ngati njoka; pansi pa milomo yao pali ululu wa mphiri.

⁴Ndilindireni Yehova, ndisalowe m'manja mwa woipa; ndisungeni kwa munthu wachiwawa; kwa iwo akuti akankhe mapazi anga.

⁵Odzikuza ananditchera msampha, nandibisira zingwe; anatcha ukonde m'mphepete mwa njira; ananditchera makwekwe.

⁶Ndinati kwa Yehova, Inu ndinu Mulungu wanga; munditcherere khutu mau a kupemba kwanga, Yehova.

⁷Yehova Ambuye, ndinu mphamvu ya chipulumutso changa, munandiphimba mutu wanga tsiku lakulimbana nkhondo.

⁸Yehova, musampatse woipa zokhumba iye; musamthandize zodzipanga zake; angadzikuze.

⁹Kunena za mutu wao wa iwo akundizinga, choipa cha milomo yao chiwaphimbe.

¹⁰Makala amoto awagwere; aponyedwe kumoto; m'maenje ozama, kuti asaukenso.

¹¹Munthu wamlomo sadzakhazikika pa dziko lapansi; choipa chidzamsaka munthu wachiwawa kuti chimgwetse.

¹²Ndidziwa kuti Yehova adzanenera wozunzika mlandu, ndi kuweruzira aumphawi.

¹³Indedi, olungama adzayamika dzina lanu; oongoka mtima adzakhala pamaso panu.