Read Chichewa Buku Lopatulika Bible 2014 MASALIMO 141 Bible Online

MASALIMO 141 - Chichewa Buku Lopatulika Bible 2014 bible

MASALIMO 141

¹Salimo la Davide. Yehova, ndaitana kwa Inu; ndifulumireni ine; munditcherere khutu, pamene ndiitana kwa Inu.

²Pemphero langa liikike ngati chofukiza pamaso panu; kukweza manja anga kuikike ngati nsembe ya madzulo.

³Muike mdindo pakamwa panga, Yehova; sungani pakhomo pa milomo yanga.

⁴Mtima wanga usalinge kuchinthu choipa, kuchita ntchito zoipa ndi anthu akuchita zopanda pake; ndipo ndisadye zankhuli zao.

⁵Akandipanda munthu wolungama ndidzati nchifundo: akandidzudzula, ndidzakuyesa mafuta a pamutu; mutu wanga usakane: Pakuti pangakhale posautsidwa iwo ndidzawapempherera.

⁶Oweruza ao anagwetseka pambali pa thanthwe; nadzamva mau anga kuti ndiwo okondweretsa.

⁷Mafupa athu amwazika pakamwa pa manda, monga ngati akumba nanyimphula nthaka yapansi.

⁸Pakuti maso anga apenya kwanu, Yehova Ambuye; ndithawira kwa Inu; musataye moyo wanga.

⁹Mundisunge ndisagwe mumsampha ananditcherawo, ndisakodwe m'makwekwe a iwo ochita zopanda pake.

¹⁰Oipa agwe pamodzi m'maukonde ao, kufikira nditapitirira ine.