Read Chichewa Buku Lopatulika Bible 2014 MASALIMO 147 Bible Online

MASALIMO 147 - Chichewa Buku Lopatulika Bible 2014 bible

MASALIMO 147

¹ Aleluya; Pakuti kuimbira zomlemekeza Mulungu wathu nkokoma; pakuti chikondwetsa ichi, chilemekezo chiyenera.

²Yehova amanga Yerusalemu; asokolotsa otayika a Israele.

³Achiritsa osweka mtima, namanga mabala ao.

⁴Awerenga nyenyezi momwe zili; azitcha maina zonsezi.

⁵Ambuye wathu ndi wamkulu ndi wa mphamvu zambiri; nzeru yake njosatha.

⁶Yehova agwiriziza ofatsa; atsitsira oipa pansi.

⁷Yamikani Yehova ndi kuthira mang'ombe; muimbireni Mulungu wathu zomlemekeza pazeze:

⁸Amene aphimba thambo ndi mitambo, amene akonzera mvula nthaka, amene aphukitsa msipu pamapiri.

⁹Amene apatsa zoweta chakudya chao, ana a khungubwi alikulira.

¹⁰Mphamvu ya kavalo siimkonda: Sakondwera nayo miyendo ya munthu.

¹¹Yehova akondwera nao akumuopa Iye, iwo akuyembekeza chifundo chake.

¹²Yerusalemu, lemekezani Yehova; Ziyoni, lemekezani Mulungu wanu.

¹³Popeza analimbitsa mipiringidzo ya zitseko zanu: Anadalitsa ana anu m'kati mwanu.

¹⁴Ndiye amene akhalitsa malire anu mumtendere; akukhutitsani ndi tirigu wakucha bwino.

¹⁵Atumiza lamulo lake kudziko lapansi; mau ake athamanga liwiro.

¹⁶Apatsa chipale chofewa ngati ubweya; awaza chisanu ngati phulusa.

¹⁷Aponya matalala ake ngati zidutsu: Adzaima ndani pa kuzizira kwake?

¹⁸Atumiza mau ake nazisungunula; aombetsa mphepo yake, ayenda madzi ake.

¹⁹Aonetsa mau ake kwa Yakobo; malemba ake, ndi maweruzo ake kwa Israele.

²⁰Sanatero nao anthu a mtundu wina; ndipo za maweruzo ake, sanawadziwe. Aleluya.