Read Chichewa Buku Lopatulika Bible 2014 MASALIMO 16 Bible Online

MASALIMO 16 - Chichewa Buku Lopatulika Bible 2014 bible

MASALIMO 16

¹Mikitamu wa Davide. Ndisungeni ine, Mulungu: pakuti ndakhulupirira Inu.

²Ndinati kwa Yehova, Inu ndinu Ambuye wanga, ndilibe chabwino china choposa Inu.

³Za oyera mtima okhala pa dziko lapansi, iwo ndiwo omveka mbiri, mwa iwowo muli chikondwero changa chonse.

⁴Zidzachuluka zisoni zao za iwo otsata Mulungu wina. Sindidzathira nsembe zao zamwazi, ndipo sindidzatchula maina ao pakamwa panga.

⁵Yehova ndiye gawo la cholowa changa ndi chikho changa, ndinu wondigwirira cholandira changa.

⁶Zingwe zandigwera mondikondweretsa; inde chosiyira chokoma ndili nacho.

⁷Ndidzadalitsa Yehova, amene anandichitira uphungu, usikunso impso zanga zindilangiza.

⁸Ndaika Yehova patsogolo panga nthawi zonse; popeza ali pa dzanja langa lamanja, sindidzagwedezeka.

⁹Chifukwa chake wasekera mtima wanga, nukondwera ulemu wanga; mnofu wanganso udzakhala mokhazikika.

¹⁰Pakuti simudzasiya moyo wanga kumanda; simudzalola wokondedwa wanu avunde.

¹¹Mudzandidziwitsa njira ya moyo, pankhope panu pali chimwemwe chokwanira; m'dzanja lanu lamanja muli zokondweretsa zomka muyaya.