Read Chichewa Buku Lopatulika Bible 2014 MASALIMO 24 Bible Online

MASALIMO 24 - Chichewa Buku Lopatulika Bible 2014 bible

MASALIMO 24

¹Salimo la Davide. Dziko lapansi nla Yehova ndi zodzala zake zomwe, dziko lokhalamo anthu ndi iwo okhala m'mwemo.

²Pakuti Iye analimanga pazinyanja, nalikhazika pamadzi.

³Adzakwera ndani m'phiri la Yehova? Nadzaima m'malo ake oyera ndani?

⁴Woyera m'manja, ndi woona m'mtima, ndiye; iye amene sanakweze moyo wake kutsata zachabe, ndipo salumbira monyenga.

⁵Iye adzalandira dalitso kwa Yehova, ndi chilungamo kwa Mulungu wa chipulumutso chake.

⁶Uwu ndi mbadwo wa iwo akufuna Iye, iwo akufuna nkhope yanu, Mulungu wa Yakobo.

⁷Weramutsani mitu yanu, zipata inu; ndipo kwezekani inu, zitseko zosatha, kuti Mfumu ya ulemerero ilowe.

⁸Mfumu imene ya ulemerero ndani? Yehova wamphamvu ndi wolimba, Yehova wolimba kunkhondo.

⁹Weramutsani mitu yanu, zipata inu; inde weramutsani, zitseko zosatha inu, kuti Mfumu ya ulemerero ilowe.

¹⁰Mfumu imene ya ulemerero ndani? Yehova wa makamumakamu, ndiye Mfumu ya ulemerero.