Read Chichewa Buku Lopatulika Bible 2014 MASALIMO 26 Bible Online

MASALIMO 26 - Chichewa Buku Lopatulika Bible 2014 bible

MASALIMO 26

¹Salimo la Davide. Mundiweruze, Yehova, pakuti ndayenda m'ungwiro wanga, ndipo ndakhulupirira Yehova, sindadzaterereka.

²Mundiyesere, Yehova, ndipo mundisunthe; yeretsani impso zanga ndi mtima wanga.

³Pakuti chifundo chanu chili pamaso panga; ndipo ndayenda m'choona chanu.

⁴Sindinakhala pansi ndi anthu achabe; kapena kutsagana nao anthu othyasika.

⁵Ndidana nao msonkhano wa ochimwa, ndipo sindidzakhala nao pansi ochita zoipa.

⁶Ndidzasamba manja anga mosalakwa; kuti ndizungulire guwa la nsembe lanu, Yehova;

⁷kuti ndimveketse mau a chiyamiko, ndi kulalikira ntchito zanu zonse zozizwa.

⁸Yehova, ndikonda chikhalidwe cha nyumba yanu, ndi malo akukhalamo ulemerero wanu.

⁹Musandichotsere mzimu wanga pamodzi ndi olakwa, kapena moyo wanga pamodzi ndi anthu okhetsa mwazi;

¹⁰amene m'manja mwao muli mphulupulu, ndi dzanja lao lamanja ladzala ndi zokometsera mlandu.

¹¹Koma ine, ndidzayenda m'ungwiro wanga; mundiombole, ndipo ndichitireni chifundo.

¹²Phazi langa liponda pachidikha, m'masonkhano ndidzalemekeza Yehova.