Read Chichewa Buku Lopatulika Bible 2014 MASALIMO 30 Bible Online

MASALIMO 30 - Chichewa Buku Lopatulika Bible 2014 bible

MASALIMO 30

¹Salimo la Davide. Nyimbo yakuperekera nyumba kwa Mulungu. Ndidzakukwezani, Yehova; pakuti mwandinyamutsa, ndipo simunandikondwetsera adani anga.

²Yehova, Mulungu wanga, ndinafuulira kwa Inu, ndipo munandichiritsa.

³Yehova munabweza moyo wanga kumanda, munandisunga ndi moyo, kuti ndingatsikire kudzenje.

⁴Imbirani Yehova, inu okondedwa ake, ndipo yamikani pokumbukira chiyero chake.

⁵Pakuti mkwiyo wake ukhala kanthawi kokha; koma kuyanja kwake moyo wonse. Kulira kuchezera, koma mamawa kuli kufuula kokondwera.

⁶Ndipo ine, ndinanena m'phindu langa, sindidzagwedezeka nthawi zonse.

⁷Inu, Yehova, munakhazikitsa phiri langa ndi kuyanja kwanu; munabisa nkhope yanu; ndinaopa.

⁸Ndinafuulira kwa Inu, Yehova; kwa Yehova ndinapemba,

⁹M'mwazi mwanga muli phindu lanji, potsikira ine kudzenje? Ngati fumbi lidzayamika Inu? Ngati lidzalalikira choonadi chanu?

¹⁰Mverani, Yehova, ndipo ndichitireni chifundo, Yehova, mundithandize ndi Inu.

¹¹Munasanduliza kulira kwanga kukhale kusekera; munandivula chiguduli changa, ndipo munandiveka chikondwero,

¹²kuti ulemu wanga uimbire Inu, wosakhala chete. Yehova Mulungu wanga, ndidzakuyamikani nthawi zonse.