Read Chichewa Buku Lopatulika Bible 2014 MASALIMO 35 Bible Online

MASALIMO 35 - Chichewa Buku Lopatulika Bible 2014 bible

MASALIMO 35

¹Salimo la Davide. Tsutsanani nao iwo akutsutsana nane, Yehova; limbanani nao iwo akulimbana nane.

²Gwirani chikopa chotchinjiriza, ukani kundithandiza.

³Sololani nthungo, ndipo muwatsekerezere kunjira akundilondola. Nenani ndi moyo wanga, Chipulumutso chako ndine.

⁴Athe nzeru nachite manyazi iwo akufuna moyo wanga; abwezedwe m'mbuyo nasokonezeke iwo akundipangira chiwembu.

⁵Akhale monga mungu kumphepo, ndipo mngelo wa Yehova awapirikitse.

⁶Njira yao ikhale ya mdima ndi yoterera, ndipo mngelo wa Yehova awalondole.

⁷Pakuti ananditchera ukonde wao m'mbunamo kopanda chifukwa, anakumbira moyo wanga dzenje kopanda chifukwa.

⁸Chimgwere modzidzimutsa chionongeko; ndipo ukonde wake umene anautcha umkole yekha mwini, agwemo, naonongeke m'mwemo.

⁹Ndipo moyo wanga udzakondwera mwa Yehova; udzasekera mwa chipulumutso chake.

¹⁰Mafupa anga onse adzanena, Yehova, afanana ndi Inu ndani, wakulanditsa wozunzika kwa iye amene amposa mphamvu, ndi wozunzika ndi waumphawi kwa iye amfunkhira?

¹¹Mboni za chiwawa ziuka, zindifunsa zosadziwa ine.

¹²Andibwezera choipa m'malo mwa chokoma, inde, asaukitsa moyo wanga.

¹³Koma ine, pakudwala iwowa, chovala changa ndi chiguduli. Ndinazunza moyo wanga ndi kusala; ndipo pemphero langa linabwera kuchifuwa changa.

¹⁴Ndakhala ine monga ngati iye anali bwenzi langa, kapena mbale wanga; polira ndinaweramira pansi, monga munthu wakulira maliro amai wake.

¹⁵Ndipo pakutsimphina ine anakondwera, nasonkhana pamodzi; akundipanda anandisonkhanira; ndipo sindinachidziwa, ananding'amba osaleka.

¹⁶Pakati pa onyodola pamadyerero, anandikukutira mano.

¹⁷Ambuye, mudzapenyererabe nthawi yanji? Bwezani moyo wanga kwa zakundiononga zao, wanga wa wokha kwa misona ya mkango.

¹⁸Ndidzakuyamikani mu msonkhano waukulu; m'chikhamu cha anthu ndidzakulemekezani.

¹⁹Adani anga asandikondwerere ine monyenga; okwiya nane kopanda chifukwa asanditsinzinire.

²⁰Pakuti salankhula zamtendere, koma apangira chiwembu odekha m'dziko.

²¹Ndipo andiyasamira m'kamwa mwao; nati, Hede, Hede, diso lathu lidachipenya.

²²Yehova, mudazipenya; musakhale chete, Ambuye, musakhale kutali ndi ine.

²³Galamukani, ndipo khalani maso kundiweruzira mlandu wanga, Mulungu wanga ndi Ambuye wanga.

²⁴Mundiweruze monga mwa chilungamo chanu, Yehova Mulungu wanga; ndipo asandisekerere ine.

²⁵Asanene mumtima mwao, Hede, momwemo! Asanene, Tammeza iye.

²⁶Achite manyazi, nadodome iwo akukondwera chifukwa cha choipa chidandigwera. Avekeke ndi manyazi ndi kupunzika iwo akudzikuza pa ine.

²⁷Afuule mokondwera nasangalale iwo akukondwera nacho chilungamo changa, ndipo anene kosalekeza, Abuke Yehova, amene akondwera ndi mtendere wa mtumiki wake.

²⁸Ndipo lilime langa lilalikire chilungamo chanu, ndi lemekezo lanu tsiku lonse.