Read Chichewa Buku Lopatulika Bible 2014 MASALIMO 56 Bible Online

MASALIMO 56 - Chichewa Buku Lopatulika Bible 2014 bible

MASALIMO 56

¹Kwa Mkulu wa Nyimbo; pa Yonat-Elem-Rekokimu. Mikitamu wa Davide, muja Afilisti anamgwira m'Gati. Mundichitire chifundo, Mulungu, pakuti anthu afuna kundimeza. Andipsinja pondithira nkhondo tsiku lonse.

²Adani anga afuna kundimeza tsiku lonse, pakuti ambiri andithira nkhondo modzikuza.

³Tsiku lakuopa ine, ndidzakhulupirira Inu.

⁴Mwa Mulungu ndidzalemekeza mau ake, ndakhulupirira Mulungu, sindidzaopa; anthu adzandichitanji?

⁵Tsiku lonse atenderuza mau anga, zolingirira zao zonse zili pa ine kundichitira choipa.

⁶Amemezana, alalira, atchereza mapazi anga, popeza alindira moyo wanga.

⁷Kodi adzapulumuka ndi zopanda pake? Gwetsani anthu mumkwiyo, Mulungu.

⁸Muwerenga kuthawathawa kwanga, sungani misozi yanga m'nsupa yanu; kodi siikhala m'buku mwanu?

⁹Pamenepo adani anga adzabwerera m'mbuyo tsiku lakuitana ine. Ichi ndidziwa, kuti Mulungu avomerezana nane.

¹⁰Mwa Mulungu ndidzalemekeza mau ake, mwa Yehova ndidzalemekeza mau ake.

¹¹Pa Mulungu ndakhulupirira, sindidzaopa; munthu adzandichitanji?

¹²Zowindira Inu Mulungu, zili pa ine, ndidzakuchitirani zoyamika.

¹³Pakuti mwalanditsa moyo wanga kuimfa, simunatero nao mapazi anga kuti ndingagwe? Kuti ndiyende pamaso pa Mulungu m'kuunika kwa amoyo.