Read Chichewa Buku Lopatulika Bible 2014 MASALIMO 58 Bible Online

MASALIMO 58 - Chichewa Buku Lopatulika Bible 2014 bible

MASALIMO 58

¹Kwa Mkulu wa Nyimbo; pa Altasyeti; Mikitamu wa Davide. Kodi muli chete ndithu poyenera inu kunena zolungama? Muweruza ana anthu molunjika kodi?

²Inde, mumtima muchita zosalungama; pa dziko lapansi mugawira anthu chiwawa cha m'manja mwanu.

³Oipa achita chilendo chibadwire, asokera kuyambira kubadwa kwao, nanena bodza.

⁴Ululu wao ukunga wa njoka; akunga mphiri yogontha m'khutu, itseka m'khutu mwake.

⁵Imene siimvera liu la oitana, akuchita matsenga mochenjeratu.

⁶Thyolani mano ao m'kamwa mwao, Mulungu, zulani zitsakano za misona ya mkango, Yehova.

⁷Apitetu ngati madzi oyenda; popiringidza mivi yake ikhale yodukaduka.

⁸Apite ngati nkhono yosungunuka; asaone dzuwa monga mtayo.

⁹Miphika yanu isanagwire moto waminga, adzaiuluza, yaiwisi ndi yoyaka.

¹⁰Wolungama adzakondwera pakuona kubwezera chilango, adzasamba mapazi ake m'mwazi wa woipa.

¹¹Ndipo anthu adzati, Indedi, pali mphotho kwa wolungama. Indedi, pali Mulungu wakuweruza pa dziko lapansi.