Read Chichewa Buku Lopatulika Bible 2014 MASALIMO 6 Bible Online

MASALIMO 6 - Chichewa Buku Lopatulika Bible 2014 bible

MASALIMO 6

¹Kwa Mkulu wa Nyimbo; pa Neginoto, pa Seminiti. Salimo la Davide. Yehova, musandidzudzule mu mkwiyo wanu, ndipo musandilange m'kukali wanu.

²Mundichitire chifundo, Yehova; pakuti ndalefuka ine. Mundichize, Yehova; pakuti anthunthumira mafupa anga.

³Moyo wanganso wanthunthumira kwakukulu; ndipo Inu, Yehova, kufikira liti?

⁴Bwererani Yehova, landitsani moyo wanga; ndipulumutseni chifukwa cha kukoma mtima kwanu.

⁵Pakuti muimfa m'mosakumbukira Inu; m'mandamo adzakuyamikani ndani?

⁶Ndalema nako kuusa moyo kwanga; ndiyandamitsa kama wanga usiku wonse; mphasa yanga ndiolobza ndi misozi yanga.

⁷Lapuwala diso langa chifukwa cha chisoni; lakalamba chifukwa cha onse akundisautsa.

⁸Chokani kwa ine, nonsenu akuchita zopanda pake; pakuti wamva Yehova mau a kulira kwanga.

⁹Wamva Yehova kupemba kwanga; Yehova adzalandira pemphero langa.

¹⁰Adzachita manyazi, nadzanthunthumira kwakukulu adani anga onse; adzabwerera, nadzachita manyazi modzidzimuka.