Read Chichewa Buku Lopatulika Bible 2014 MASALIMO 7 Bible Online

MASALIMO 7 - Chichewa Buku Lopatulika Bible 2014 bible

MASALIMO 7

¹Syigayoni wa Davide woimbira Yehova, chifukwa cha mau a Kusi Mbenjamini. Yehova Mulungu wanga, ndakhulupirira Inu; mundipulumutse kwa onse akundilonda, nimundilanditse;

²kuti angamwetule moyo wanga ngati mkango, ndi kuukadzula, wopanda wina wondilanditsa.

³Yehova Mulungu wanga, ngati ndachita ichi; ngati m'manja anga muli chosalungama;

⁴ngati ndambwezera choipa iye woyanjana ndine; (inde, ndamlanditsa wondisautsa kopanda chifukwa);

⁵mdani alondole moyo wanga, naupeze; naupondereze pansi moyo wanga, naukhalitse ulemu wanga m'fumbi.

⁶Ukani Yehova mu mkwiyo wanu, nyamukani chifukwa cha ukali wa akundisautsa; ndipo mugalamukire ine; mwalamulira chiweruzo.

⁷Ndipo ukuzingeni msonkhano wa anthu; ndipo pamwamba pao mubwerere kunka kumwamba.

⁸Yehova aweruza anthu mlandu; mundiweruze, Yehova, monga mwa chilungamo changa, ndi ungwiro wanga uli mwa ine.

⁹Ithe mphulupulu ya anthu oipa, ndikupemphani, koma wolungamayo mumkhazikitse. Pakuti woyesa mitima ndi impso ndiye Mulungu wolungama.

¹⁰Chikopa changa chili ndi Mulungu, wopulumutsa oongoka mtima.

¹¹Mulungu ndiye Woweruza wolungama, ndiye Mulungu wakukwiya masiku onse.

¹²Akapanda kutembenuka munthu, iye adzanola lupanga lake; wakoka uta wake, naupiringidza.

¹³Ndipo anamkonzera zida za imfa; mivi yake aipanga ikhale yansakali.

¹⁴Taonani, ali m'chikuta cha zopanda pake; anaima ndi chovuta, nabala bodza.

¹⁵Anachita dzenje, nalikumba, nagwa m'mbuna yomwe anaikumba.

¹⁶Chovuta chake chidzambwerera mwini, ndi chiwawa chake chidzamgwera pakati pamutu pake.

¹⁷Ndidzayamika Yehova monga mwa chilungamo chake; ndipo ndidzaimbira Yehova Wam'mwambamwamba.