Read Chichewa Buku Lopatulika Bible 2014 MASALIMO 8 Bible Online

MASALIMO 8 - Chichewa Buku Lopatulika Bible 2014 bible

MASALIMO 8

¹Kwa Mkulu wa Nyimbo; pa Gititi. Salimo la Davide. Yehova, Ambuye wathu, dzina lanu liposadi nanga pa dziko lonse lapansi! Inu amene munaika ulemerero wanu pa thambo la kumwamba.

²M'kamwa mwa makanda ndi oyamwa munakhazikitsa mphamvu, chifukwa cha otsutsana ndi Inu, kuti muwaletse mdani ndi wobwezera chilango.

³Pakuona ine thambo la kumwamba lanu, ntchito ya zala zanu, mwezi ndi nyenyezi, zimene munazikhazika,

⁴munthu ndani kuti mumkumbukira? Ndi mwana wa munthu kuti mucheza naye?

⁵Pakuti munamchepsa pang'ono ndi Mulungu, munamveka iye korona wa ulemerero ndi ulemu.

⁶Munamchititsa ufumu pa ntchito za manja anu; mudagonjetsa zonse pansi pa mapazi ake;

⁷nkhosa ndi ng'ombe, zonsezo, ndi nyama za kuthengo zomwe;

⁸mbalame za m'mlengalenga, ndi nsomba za m'nyanja. Zopita m'njira za m'nyanja.

⁹Yehova, Ambuye wathu, dzina lanu liposadi nanga pa dziko lonse lapansi!