Read Chichewa Buku Lopatulika Bible 2014 MASALIMO 81 Bible Online

MASALIMO 81 - Chichewa Buku Lopatulika Bible 2014 bible

MASALIMO 81

¹Kwa Mkulu wa Nyimbo, pa Gititi. Salimo la Asafu. Imbitsirani Mulungu ndiye mphamvu yathu; fuulirani kwa Mulungu wa Yakobo.

²Utsani salimo, bwera nakoni kalingaka, zeze wokondwetsa pamodzi ndi chisakasa.

³Ombani lipenga, pokhala mwezi, utakula mwezi, tsiku la phwando lathu.

⁴Pakuti ichi ndi cholemba cha kwa Israele, chiweruzo cha Mulungu wa Yakobo.

⁵Anachiika chikhale mboni kwa Yosefe, pakutuluka iye kudziko la Ejipito. Komwe ndinamva chinenedwe chosadziwa ine.

⁶Ndinamchotsera katundu paphewa pake, manja ake anamasuka ku chotengera.

⁷Unaitana posautsika, ndipo ndinakulanditsa; ndinakuvomereza mobisalika m'bingu; ndinakuyesa kumadzi a Meriba.

⁸Tamvani, anthu anga, ndidzakuchitirani mboni; Israele, ukadzandimvera!

⁹Kwanu kusakhale mulungu wofuma kwina; nusagwadire mulungu wachilendo.

¹⁰Ine ndine Yehova Mulungu wako amene ndinakukweza kukuchotsa kudziko la Ejipito; yasamitsa pakamwa pako ndipo ndidzalidzaza.

¹¹Koma anthu anga sanamvere mau anga; ndipo Israele sanandivomere.

¹²Potero ndinawaperekera kuuma mtima kwao, ayende monga mwa uphungu waowao.

¹³Ha! Akadandimvera anthu anga, akadayenda m'njira zanga Israele!

¹⁴Ndikadagonjetsa adani ao msanga, ndikadabweza dzanja langa pa owasautsa.

¹⁵Akumuda Yehova akadamgonjera mungakhale monyenga, koma nyengo yao ikadakhala yosatha.

¹⁶Akadawadyetsa naye tirigu wokometsetsa, ndikadakukhutitsanso ndi uchi wa m'thanthwe.