Read Chichewa Buku Lopatulika Bible 2014 MASALIMO 91 Bible Online

MASALIMO 91 - Chichewa Buku Lopatulika Bible 2014 bible

MASALIMO 91

¹Iye amene akhala pansi m'ngaka yake ya Wam'mwambamwamba adzagonera mu mthunzi wa Wamphamvuyonse.

²Ndidzati kwa Yehova, Pothawirapo panga ndi linga langa; Mulungu wanga, amene ndimkhulupirira.

³Pakuti adzakuonjola kumsampha wa msodzi, kumliri wosakaza.

⁴Adzakufungatira ndi nthenga zake, ndipo udzathawira kunsi kwa mapiko ake; choonadi chake ndicho chikopa chotchinjiriza.

⁵Sudzaopa choopsa cha usiku, kapena muvi wopita usana;

⁶kapena mliri woyenda mumdima, kapena chionongeko chakuthera usana.

⁷Pambali pako padzagwa chikwi, ndi zikwi khumi pa dzanja lamanja lako; sichidzakuyandikiza iwe.

⁸Koma udzapenya ndi maso ako, nudzaona kubwezera chilango oipa.

⁹Popeza udati, Inu Yehova, ndinu pothawirapo panga! Udaika Wam'mwambamwamba chokhalamo chako;

¹⁰palibe choipa chidzakugwera, ndipo cholanga sichidzayandikiza hema wako.

¹¹Pakuti adzalamulira angelo ake za iwe, akusunge m'njira zako zonse.

¹²Adzakunyamula pa manja ao, ungagunde phazi lako pamwala.

¹³Udzaponda mkango ndi mphiri; udzapondereza msona wa mkango ndi chinjoka.

¹⁴Popeza andikondadi ndidzampulumutsa; ndidzamkweza m'mwamba, popeza adziwa dzina langa.

¹⁵Adzandifuulira Ine ndipo ndidzamyankha; kunsautso ndidzakhala naye pamodzi; ndidzamlanditsa, ndi kumchitira ulemu.

¹⁶Ndidzamkhutitsa ndi masiku ambiri, ndi kumuonetsera chipulumutso changa.