Read Chichewa Buku Lopatulika Bible 2014 MIYAMBO 12 Bible Online

MIYAMBO 12 - Chichewa Buku Lopatulika Bible 2014 bible

MIYAMBO 12

¹Wokonda mwambo akonda kudziwa; koma wakuda chidzudzulo apulukira.

²Yehova akomera mtima munthu wabwino; koma munthu wa ziwembu amtsutsa.

³Munthu sadzakhazikika ndi udyo, muzu wa olungama sudzasunthidwa.

⁴Mkazi wodekha ndiye korona wa mwamuna wake; koma wochititsa manyazi akunga chovunditsa mafupa a mwamunayo.

⁵Maganizo a olungama ndi chiweruzo; koma uphungu wa oipa unyenga.

⁶Mau a oipa abisalira mwazi; koma m'kamwa mwa olungama muwalanditsa.

⁷Oipa amagwa kuli zii; koma banja la olungama limaimabe.

⁸Munthu amatamandidwa monga mwa nzeru yake; koma wokhota mtima adzanyozedwa.

⁹Wonyozedwa, amene ali ndi kapolo, aposa wodzikuza, amene asowa zakudya.

¹⁰Wolungama asamalira moyo wa choweta chake; koma chifundo cha oipa ndi nkhanza.

¹¹Zakudya zikwanira wolima minda yake; koma wotsata anthu opanda pake asowa nzeru.

¹²Woipa akhumba chokodwa ndi amphulupulu; koma muzu wa olungama umabala zipatso.

¹³M'kulakwa kwa milomo muli msampha woipa; koma wolungama amatuluka m'mavuto.

¹⁴Munthu amakhuta zabwino ndi zipatso za m'kamwa mwake; zochita za manja ake zidzabwezedwa kwa iye.

¹⁵Njira ya chitsiru njolungama pamaso pakepake; koma wanzeru amamvera uphungu.

¹⁶Mkwiyo wa chitsiru udziwika posachedwa; koma wanzeru amabisa manyazi.

¹⁷Wolankhula ntheradi aonetsa chilungamo; koma mboni yonama imanyenga.

¹⁸Alipo wonena mwansontho ngati kupyoza kwa lupanga; koma lilime la anzeru lilamitsa.

¹⁹Mlomo wa ntheradi ukhazikika nthawi zonse; koma lilime lonama likhala kamphindi.

²⁰Chinyengo chili m'mitima ya oganizira zoipa; koma aphungu a mtendere amakondwa.

²¹Palibe vuto lidzagwera wolungama; koma amphulupulu adzadzazidwa ndi zoipa.

²²Milomo yonama inyansa Yehova; koma ochita ntheradi amsekeretsa.

²³Munthu wanzeru abisa zomwe adziwa; koma mtima wa opusa ulalikira utsiru.

²⁴Dzanja la akhama lidzalamulira; koma waulesi adzakhala ngati kapolo.

²⁵Nkhawa iweramitsa mtima wa munthu; koma mau abwino aukondweretsa.

²⁶Wolungama atsogolera mnzake; koma njira ya oipa iwasokeretsa.

²⁷Waulesi samaotcha nyama yake anaigwira; koma wolungama amalandira chuma chopambana cha anthu.

²⁸M'khwalala la chilungamo muli moyo; m'njira ya mayendedwe ake mulibe imfa.