Read Chichewa Buku Lopatulika Bible 2014 MIYAMBO 4 Bible Online

MIYAMBO 4 - Chichewa Buku Lopatulika Bible 2014 bible

MIYAMBO 4

¹Ananu, mverani mwambo wa atate, nimutchere makutu mukadziwe luntha;

²pakuti ndikuphunzitsani zabwino; musasiye chilangizo changa.

³Pakuti ndinali mwana kwa atate wanga, wokondedwa ndi mai, ndine ndekha, sanabale wina.

⁴Atate nandiphunzitsa, nati kwa ine, mtima wako uumirire mau anga; sunga malamulo anga, nukhale ndi moyo.

⁵Tenga nzeru, tenga luntha; usaiwale, usapatuke pa mau a m'kamwa mwanga;

⁶usasiye nzeru, ndipo idzakusunga; uikonde, idzakutchinjiriza.

⁷Nzeru ipambana, tatenga nzeru; m'kutenga kwako konseko utenge luntha.

⁸Uilemekeze, ndipo idzakukweza; idzakutengera ulemu pamene uifungatira.

⁹Idzaika chisada cha chisomo pamtu pako; idzakupatsa korona wokongola.

¹⁰Tamvera mwananga, nulandire mau anga; ndipo zaka za moyo wako zidzachuluka.

¹¹Ndakuphunzitsa m'njira ya nzeru, ndakuyendetsa m'mayendedwe olungama.

¹²Mapazi ako sadzaombana ulikuyenda; ukathamanga, sudzaphunthwa.

¹³Gwira mwambo, osauleka; uusunge; pakuti ndiwo moyo wako.

¹⁴Usalowe m'mayendedwe ochimwa, usayende m'njira ya oipa.

¹⁵Pewapo, osapitamo; patukapo, nupitirire.

¹⁶Pakuti akapanda kuchita zoipa, samagona; ndipo akapanda kukhumudwitsa wina, tulo tao tiwachokera.

¹⁷Pakuti amadya chakudya cha uchimo, namwa vinyo wa chifwamba.

¹⁸Koma mayendedwe a olungama akunga kuunika kwa mbandakucha, kunkabe kuwala kufikira usana woti mbee.

¹⁹Njira ya oipa ikunga mdima; sadziwa chimene chiwaphunthwitsa.

²⁰Mwananga, tamvera mau anga; tcherera makutu ku zonena zanga.

²¹Asachoke kumaso ako; uwasunge m'kati mwa mtima wako.

²²Pakuti ali moyo kwa omwe awapeza, nalamitsa thupi lao lonse.

²³Chinjiriza mtima wako koposa zonse uzisunga; pakuti magwero a moyo atulukamo.

²⁴Tasiya m'kamwa mokhota, uike patali milomo yopotoka.

²⁵Maso ako ayang'ane m'tsogolo, zikope zako zipenye moongoka.

²⁶Sinkasinkha bwino mayendedwe a mapazi ako; njira zako zonse zikonzeke.

²⁷Usapatuke kudzanja lamanja kapena kulamanzere; suntha phazi lako kusiya zoipa.